Til átaka kom á milli flótta- og farandfólks og lögreglu í Calais í Frakklandi í kvöld. Flöskum var kastað að lögregluþjónum sem skutu reyksprengjum að fólkinu sem var að mótmæla fyrirhuguðu niðurrifi búðanna sem hafa gengið undir nafninu Frumskógurinn á mánudaginn.
Verið var að dreifa bæklingum í þúsundatali þar sem íbúum búðanna var tilkynnt að þau þyrftu að yfirgefa þær áður en jarðýturnar mæta á svæðið. Um 50 manns köstuðu steinum að lögreglu.
Samkvæmt BBC er talið að allt að tíu þúsund manns haldi til í búðunum. Flestum þeirra verður komið fyrir í öðrum flóttamannabúðum í Frakklandi. Góðgerðasamtök hafa áhyggjur af því að margir muni neita að fara, þar sem þeir sem halda til í búðunum vilja komast til Englands.
Yfirvöld í Frakklandi segjast ekki vilja beita valdi, en þau neyðist til þess að grípa inn í ef fólk neiti að fara.
Átök milli flóttafólks og lögreglu í Calais
Tengdar fréttir
Allen brotnaði niður þegar hún talaði við 13 ára afganskan dreng: „Biðst afsökunar fyrir hönd þjóðar minnar“
Tónlistarkonan Lily Allen brotnaði niður þegar hún heimsótti 13 ára afganskan flóttamann í fjóttamannabúðunum í Calais sem ganga oft undir nafninu Frumskógurinn.
Frakkar hefja niðurrif Frumskógarins á mánudag
Frönsk yfirvöld munu byrja á því að ryðja búðir flóttamanna í hafnarborginni Calais á mánudag eftir helgi.
Vilja ekki nota röntgenmyndir til aldursgreiningar
Breska innanríkisráðuneytið segir ekki koma til greina að láta taka röntgenmyndir af tönnum flóttafólks frá Calais til að greina aldur.
