Fimmtán ára íslenskri stúlku nauðgað í Danmörku

Dómstóll í Odense sakfelldi í gær fimmtán ára gamlan dreng og tvítugan pilt fyrir að nauðga fimmtán ára gamalli íslenskri stúlku í júlí á síðasta ári. BT greinir frá málinu en stúlkan var í heimsókn í Danmörku hjá ættingjum sínum.

Hún fór í göngutúr um hverfið í þeim tilgangi að kaupa sígarettur þegar hún hitti piltana. Þau tóku tal saman og að lokum var hún dregin inn í dimman bílskúr þar sem sá yngri nauðgaði henni. Á sama tíma notaði eldri pilturinn vasaljósið á símanum sínum til að lýsa upp dimman bílskúrinn.

Yngri drengurinn var einnig sakaður um aðra nauðgun en fallið var frá ákæru í því máli þar sem lýsingar fórnarlambsins þóttu ekki yfir allan vafa hafnar. Svo var hins vegar í máli íslensku stúlkunnar og piltarnir því sakfelldir.

Dómur verður ákveðinn í næsta mánuði.