„Fara býsna langt með titilbaráttuna með sigri“ Eiríkur Stefán Ásgeirsson skrifar 22. ágúst 2016 14:30 Fagna FH-ingar í kvöld? Liðin gerðu 1-1 jafntefli í fyrri deildarleik sínum í sumar. Vísir/Stefán FH getur náð sjö stiga forystu á toppi Pepsi-deildar karla ef liðið hefur betur gegn Stjörnunni í kvöld. Leikurinn hefst klukkan 18.00 en um einn af stórleikjum tímabilsins er að ræða. Vinni Stjörnumenn í Kaplakrika er ljóst að titilbaráttan verði galopin á nýjan leik. Logi Ólafsson, sérfræðngur í Pepsi-mörkunum, segir að mikilvægi leiksins sé mikið fyrir bæði lið sem og mótið sjálft. „Ég myndi ekki alveg ganga svo langt að segja að titilbaráttan geti ráðist með sigri FH í kvöld. FH-ingar hafa ekki verið alveg eins brattir í sumar og á síðustu tímabilum. En þeir fara býsna langt með þetta ef þeir vinna í kvöld,“ segir Logi. Sextánda umferðin klárast í kvöld og því sex umferðir eftir að henni lokinni. FH-ingar hafa unnið þrjá af síðustu fjórum leikjum sínum en máttu hafa mikið fyrir naumum 1-0 sigri á Fjölni í síðustu umferð. Að sama skapi hafa hin liðin í toppbaráttunni - Fjölnir, Stjarnan og Breiðablik - öll verið að tapa stigum. „Þetta hefur að miklu leyti spilast upp í hendurnar á FH-ingum. Umræðan er líka að hjálpa þeim enda allir að tala um að þeir eru ekki að skapa eins mörg færi og þeir hafa verið vanir að gera, séu slakari en áður og þar frem eftir götunum,“ segir Logi. „Sú umræða hjálpar FH, hvernig þeir nálgast leikinn og hvernig andstæðingarnir gera það líka.“ „FH hefur náð árangri í sumar með því að spila öflugan varnarleik og hafa því ekki þurft að skora mörg mörk í sumar til að vinna leikina sína.“Halldór Orri Björnsson, leikmaður Stjörnunnar.Vísir/StefánStór spurning Stjörnunnar Stjarnan hefur gefið eftir í síðustu leikjum. Eftir jafntefli gegn Þrótti máttu Garðbæingar þola 3-1 tap gegn KR. „Leikurinn hefur gríðarlega þýðingu fyrir Stjörnuna,“ segir Logi. „Ætla þeir að vera með í baráttu um titilinn eða bara í baráttunni um Evrópusæti? Það er spurningin sem þeir þurfa að svara í kvöld.“ Hann segir að það hafi verið sérstaklega dýrkeypt að tapa stigum gegn botnliði Þróttar. „Ef þú ætlar þér að vera með í baráttunni um titilinn þá verðurðu að vinna leikina gegn neðstu liðunum. Það er grundvallaratriði.“ Hann bendir á að Stjarnan eigi ljúfar minningar úr Kaplakrika enda varð liðið þar Íslandsmeistari árið 2014 eftir eftirminnilegan úrslitaleik gegn FH í lokaumferð tímabilsins. „FH hefur ekki verið upp á sitt allra besta að undanförnu og Stjarnan mætir til leiks sem sært dýr. Ég gæti trúað því að þeir verði býsna grimmir í kvöld.“Guðjón Baldvinsson, leikmaður Stjörnunnar.Vísir/AntonEkki taka Guðjón úr liðinu Sóknarmaðurinn Guðjón Baldvinsson hefur verið í aðalhlutverki í sókn Stjörnunnar í sumar en aðeins skorað þrjú mörk. Hólmbert Aron Friðjónsson kom í Garðabæinn í síðasta mánuði frá KR en ekki enn fengið tækifærið í byrjunarliðinu. „Ég myndi ekki setja Guðjón á bekkinn,“ segir Logi. „Þó svo að hann hafi ekki skorað mikið þá tekur hann ávallt mikið til sín. Eftir að Hilmar Árni [Halldórsson] byrjaði að spila í stöðunni fyrir aftan hann þá hefur hann notið góðs af því hversu mikið pláss Guðjón hefur búið til fyrir hann.“ „Það má heldur ekki gleyma því að Guðjón var í færum í leiknum gegn KR. Ég tel ekki ástæðu til þess að skipta um framherja.“ Atli Guðnason er allur að koma til eftir meiðsli og kom inn á sem varamaður í 1-0 sigri FH á Fjölni í síðustu umferð. Þar áður spilaði hann um miðjan síðasta mánuð. „Ef að Atli spilar gæti hann breytt miklu fyrir FH. Það væri því óskandi fyrir FH-inga ef hann er leikfær í kvöld. Þeir hafa verið frískari með hann í liðinu.“ Logi bendir hins vegar á að Bergsveinn Ólafsson, miðvörður, er í leikbanni í kvöld og telur að það muni hafa áhrif á lið Hafnfirðinga í leiknum. Upphitun fyrir leik FH og Stjörnunnar hefst klukkan 17.30 á Stöð 2 Sport og leikurinn sjálfur klukkan 18.00. Viðureign Þróttar og Vals er einnig í beinni útsendingu, á Stöð 2 Sport 2, og Pepsimörkin eru svo á dagskrá Stöðvar 2 Sports klukkan 22.00. Pepsi Max-deild karla Mest lesið Bakgarðshlaupið í beinni útsendingu Sport Áflogaseggir fá ekki að mæta aftur á völlinn Körfubolti Stórfurðuleg atburðarás þegar markvörður KR sá rautt Íslenski boltinn Þambar kakó og rjóma eftir magnað afrek: „Upp og niður eins og lífið“ Sport Þorleifur horfði á Íslandsmet sitt falla: „Kom á óvart“ Sport Freyr nærri kraftaverki: „Þetta var fokking taugatrekkjandi“ Fótbolti Baunað á Brady: „Þín verður ávallt minnst sem tíkar Eli Manning“ Sport Aðeins einum leik frá ótrúlegu meti Fótbolti Dómarinn verður með myndavél á höfðinu Enski boltinn Kostar 600 þúsund að keppa með U18: „Þetta eru þakkirnar fyrir að spila fyrir landsliðið“ Handbolti Fleiri fréttir Lýkur Gylfi markaþurrð Vals á Kópavogsvelli? Nánast uppselt á leik kvöldsins Öll mörkin í gær: Sjáðu hvernig HK vann meistarana og kóngurinn komst á blað Stórfurðuleg atburðarás þegar markvörður KR sá rautt „Ég vona innilega að ég sé ekki að væla of mikið“ „Ólíkir okkur að mörgu leyti“ Uppgjör: HK - Víkingur 3-1 | Botnliðið lagði meistarana og Arnar sá rautt Uppgjör og viðtöl: Fram - Fylkir 2-1 | Heimamenn upp í þriðja sætið „Hef aldrei séð markmann fá gult spjald fyrir leiktöf eftir átta sek” „Er með góða tilfinningu eftir að hafa komið til baka“ Uppgjörið: Stjarnan - ÍA 4-1 | Þriðji sigur Stjörnunnar í röð Uppgjör og viðtöl: KA-KR 1-1 | Smit stal fyrirsögnunum enn og aftur Sjáðu Andra Rúnar opna reikninginn og mörkin sem færðu FH sigur Segir að móðurhlutverkið hafi gert sig að betri leikmanni „Lítur ekki vel út með Elmar, ég er hræddur um að þetta sé svipað og hjá Eiði“ Uppgjörið: FH - Vestri 3-2 | FH kom til baka og vann fjórða leikinn í röð Eyjamenn byrja fótboltasumarið ekki vel Andrea á batavegi: „Gott fyrir alla að sjá hana brosandi“ Með sjö í þremur: „Kannski margir sem afskrifa mann en mér finnst ég eiga nóg eftir“ „Hún er með hjartagalla en í góðum höndum núna og vonandi fer allt vel“ „Ég er spennt að fara heim að sofa“ „Við vissum að við þyrftum að þjást“ Uppgjör, viðtöl og myndir: Breiðablik - FH 3-0 | Blikar héldu uppteknum hætti Uppgjörið: Stjarnan - Tindastóll 0-2 | Fyrstu mörkin og fyrsti sigurinn hjá Stólunum FH-ingar kynna besta lið sögunnar Stórleikur á Samsung-vellinum og meistararnir fara í Mosó Rúnar Már fann neistann Eftirminnileg Skotlandsferð FC Sækó: Spiluðu við Celtic og heimsóttu Hampden Park „Við áttum slæman dag og þær góðan dag“ Uppgjörið og viðtöl: Fylkir - Keflavík 4-2 | Nýliðarnir nældu í sigur og eru enn ósigraðir Sjá meira
FH getur náð sjö stiga forystu á toppi Pepsi-deildar karla ef liðið hefur betur gegn Stjörnunni í kvöld. Leikurinn hefst klukkan 18.00 en um einn af stórleikjum tímabilsins er að ræða. Vinni Stjörnumenn í Kaplakrika er ljóst að titilbaráttan verði galopin á nýjan leik. Logi Ólafsson, sérfræðngur í Pepsi-mörkunum, segir að mikilvægi leiksins sé mikið fyrir bæði lið sem og mótið sjálft. „Ég myndi ekki alveg ganga svo langt að segja að titilbaráttan geti ráðist með sigri FH í kvöld. FH-ingar hafa ekki verið alveg eins brattir í sumar og á síðustu tímabilum. En þeir fara býsna langt með þetta ef þeir vinna í kvöld,“ segir Logi. Sextánda umferðin klárast í kvöld og því sex umferðir eftir að henni lokinni. FH-ingar hafa unnið þrjá af síðustu fjórum leikjum sínum en máttu hafa mikið fyrir naumum 1-0 sigri á Fjölni í síðustu umferð. Að sama skapi hafa hin liðin í toppbaráttunni - Fjölnir, Stjarnan og Breiðablik - öll verið að tapa stigum. „Þetta hefur að miklu leyti spilast upp í hendurnar á FH-ingum. Umræðan er líka að hjálpa þeim enda allir að tala um að þeir eru ekki að skapa eins mörg færi og þeir hafa verið vanir að gera, séu slakari en áður og þar frem eftir götunum,“ segir Logi. „Sú umræða hjálpar FH, hvernig þeir nálgast leikinn og hvernig andstæðingarnir gera það líka.“ „FH hefur náð árangri í sumar með því að spila öflugan varnarleik og hafa því ekki þurft að skora mörg mörk í sumar til að vinna leikina sína.“Halldór Orri Björnsson, leikmaður Stjörnunnar.Vísir/StefánStór spurning Stjörnunnar Stjarnan hefur gefið eftir í síðustu leikjum. Eftir jafntefli gegn Þrótti máttu Garðbæingar þola 3-1 tap gegn KR. „Leikurinn hefur gríðarlega þýðingu fyrir Stjörnuna,“ segir Logi. „Ætla þeir að vera með í baráttu um titilinn eða bara í baráttunni um Evrópusæti? Það er spurningin sem þeir þurfa að svara í kvöld.“ Hann segir að það hafi verið sérstaklega dýrkeypt að tapa stigum gegn botnliði Þróttar. „Ef þú ætlar þér að vera með í baráttunni um titilinn þá verðurðu að vinna leikina gegn neðstu liðunum. Það er grundvallaratriði.“ Hann bendir á að Stjarnan eigi ljúfar minningar úr Kaplakrika enda varð liðið þar Íslandsmeistari árið 2014 eftir eftirminnilegan úrslitaleik gegn FH í lokaumferð tímabilsins. „FH hefur ekki verið upp á sitt allra besta að undanförnu og Stjarnan mætir til leiks sem sært dýr. Ég gæti trúað því að þeir verði býsna grimmir í kvöld.“Guðjón Baldvinsson, leikmaður Stjörnunnar.Vísir/AntonEkki taka Guðjón úr liðinu Sóknarmaðurinn Guðjón Baldvinsson hefur verið í aðalhlutverki í sókn Stjörnunnar í sumar en aðeins skorað þrjú mörk. Hólmbert Aron Friðjónsson kom í Garðabæinn í síðasta mánuði frá KR en ekki enn fengið tækifærið í byrjunarliðinu. „Ég myndi ekki setja Guðjón á bekkinn,“ segir Logi. „Þó svo að hann hafi ekki skorað mikið þá tekur hann ávallt mikið til sín. Eftir að Hilmar Árni [Halldórsson] byrjaði að spila í stöðunni fyrir aftan hann þá hefur hann notið góðs af því hversu mikið pláss Guðjón hefur búið til fyrir hann.“ „Það má heldur ekki gleyma því að Guðjón var í færum í leiknum gegn KR. Ég tel ekki ástæðu til þess að skipta um framherja.“ Atli Guðnason er allur að koma til eftir meiðsli og kom inn á sem varamaður í 1-0 sigri FH á Fjölni í síðustu umferð. Þar áður spilaði hann um miðjan síðasta mánuð. „Ef að Atli spilar gæti hann breytt miklu fyrir FH. Það væri því óskandi fyrir FH-inga ef hann er leikfær í kvöld. Þeir hafa verið frískari með hann í liðinu.“ Logi bendir hins vegar á að Bergsveinn Ólafsson, miðvörður, er í leikbanni í kvöld og telur að það muni hafa áhrif á lið Hafnfirðinga í leiknum. Upphitun fyrir leik FH og Stjörnunnar hefst klukkan 17.30 á Stöð 2 Sport og leikurinn sjálfur klukkan 18.00. Viðureign Þróttar og Vals er einnig í beinni útsendingu, á Stöð 2 Sport 2, og Pepsimörkin eru svo á dagskrá Stöðvar 2 Sports klukkan 22.00.
Pepsi Max-deild karla Mest lesið Bakgarðshlaupið í beinni útsendingu Sport Áflogaseggir fá ekki að mæta aftur á völlinn Körfubolti Stórfurðuleg atburðarás þegar markvörður KR sá rautt Íslenski boltinn Þambar kakó og rjóma eftir magnað afrek: „Upp og niður eins og lífið“ Sport Þorleifur horfði á Íslandsmet sitt falla: „Kom á óvart“ Sport Freyr nærri kraftaverki: „Þetta var fokking taugatrekkjandi“ Fótbolti Baunað á Brady: „Þín verður ávallt minnst sem tíkar Eli Manning“ Sport Aðeins einum leik frá ótrúlegu meti Fótbolti Dómarinn verður með myndavél á höfðinu Enski boltinn Kostar 600 þúsund að keppa með U18: „Þetta eru þakkirnar fyrir að spila fyrir landsliðið“ Handbolti Fleiri fréttir Lýkur Gylfi markaþurrð Vals á Kópavogsvelli? Nánast uppselt á leik kvöldsins Öll mörkin í gær: Sjáðu hvernig HK vann meistarana og kóngurinn komst á blað Stórfurðuleg atburðarás þegar markvörður KR sá rautt „Ég vona innilega að ég sé ekki að væla of mikið“ „Ólíkir okkur að mörgu leyti“ Uppgjör: HK - Víkingur 3-1 | Botnliðið lagði meistarana og Arnar sá rautt Uppgjör og viðtöl: Fram - Fylkir 2-1 | Heimamenn upp í þriðja sætið „Hef aldrei séð markmann fá gult spjald fyrir leiktöf eftir átta sek” „Er með góða tilfinningu eftir að hafa komið til baka“ Uppgjörið: Stjarnan - ÍA 4-1 | Þriðji sigur Stjörnunnar í röð Uppgjör og viðtöl: KA-KR 1-1 | Smit stal fyrirsögnunum enn og aftur Sjáðu Andra Rúnar opna reikninginn og mörkin sem færðu FH sigur Segir að móðurhlutverkið hafi gert sig að betri leikmanni „Lítur ekki vel út með Elmar, ég er hræddur um að þetta sé svipað og hjá Eiði“ Uppgjörið: FH - Vestri 3-2 | FH kom til baka og vann fjórða leikinn í röð Eyjamenn byrja fótboltasumarið ekki vel Andrea á batavegi: „Gott fyrir alla að sjá hana brosandi“ Með sjö í þremur: „Kannski margir sem afskrifa mann en mér finnst ég eiga nóg eftir“ „Hún er með hjartagalla en í góðum höndum núna og vonandi fer allt vel“ „Ég er spennt að fara heim að sofa“ „Við vissum að við þyrftum að þjást“ Uppgjör, viðtöl og myndir: Breiðablik - FH 3-0 | Blikar héldu uppteknum hætti Uppgjörið: Stjarnan - Tindastóll 0-2 | Fyrstu mörkin og fyrsti sigurinn hjá Stólunum FH-ingar kynna besta lið sögunnar Stórleikur á Samsung-vellinum og meistararnir fara í Mosó Rúnar Már fann neistann Eftirminnileg Skotlandsferð FC Sækó: Spiluðu við Celtic og heimsóttu Hampden Park „Við áttum slæman dag og þær góðan dag“ Uppgjörið og viðtöl: Fylkir - Keflavík 4-2 | Nýliðarnir nældu í sigur og eru enn ósigraðir Sjá meira