Holebas tryggði Watford þrjú stig | Sjáðu mörkin

Jose Holebas skoraði glæsilegt mark þegar Watford lagði Middlesbrough á útivelli í ensku úrvalsdeildinni.

Watford var í 12.sæti deildarinnar fyrir leikinn á meðan Boro satt í 17.sæti með jafnmörg stig og Stoke sem er í fallsæti. 

Watford gerði jafntefli við Bournemouth í síðasta leik sínum fyrir landsleikjahlé og Middlesbrough hafði ekki unnið í síðstu sex leikjum sínum í deildinni og unnu síðast leik þann 21.ágúst.

Boro var mun meira með boltann í leiknum í dag og átti töluvert fleiri marktilraunir. Þeim gekk hins vegar illa að koma boltanum í netið og staðan í hálfleik var markalaus.

Í síðari hálfleik kom svo eina mark leiksins. Watford gerði tilkall til vítaspyrnu þegar Isaac Success féll í teignum. Ekkert var dæmt en boltinn barst til Jose Holebas sem var ekkert að tvínóna við hlutina og þrumaði með vinstri fæti efst í nærhornið. Victor Valdes átti ekki möguleika í marki Middlesbrough og staðan orðin 1-0.

Þrátt fyrir töluverða pressu undir lokin tókst heimamönnum ekki að jafna metin og sigur Watford því staðreynd.

Watford færist upp í 9.sæti deildarinnar eftir sigurinn en Boro situr sem fastast rétt ofan við fallsætin