Táningsstúlkur dóu í bílslysi í beinni á Facebook

„Ert þú í beinni?“ Þetta var það síðasta sem hin 19 ára gamla Chaniya Morrison-Toomey sagði. Hún og vinkona hennar, hin 18 ára gamla Brooke Huges, voru á akstri í Pennsylvania í Bandaríkjunum á þriðjudaginn þegar flutningabíll með eftirvagn keyrði aftan á þær á þriðjudaginn. Huges keyrði hægt eftir þjóðveginum og var að taka upp myndband á Facebook.

Þær létust báðar í árekstrinum en eldur kom upp í bílnum og brann hann verulega.

Samkvæmt Sky News hafði Huges ekki tíma til að svara spurningu vinkonu sinnar þar sem ekið var á bílinn. Myndbandið heldur áfram í nokkrar mínútur og um smá skeið sést í andlit skeggjaðs manns.

Samkvæmt lögreglunni voru þær á mjög lítilli ferð á hægri akrein þjóðvegarins þar sem dekk hafði sprungið hjá þeim og var „auminginn“ svokallaði undir bílnum.

Ekki liggur fyrir hvort að ökumaður vörubílsins verði ákærður.