Fjölskylda kærir Sýrland fyrir dauðsfall blaðamanns

Fjölskylda bandaríska blaðamannsins Marie Colvin, sem lést í Sýrlandi árið 2012, hafa kært sýrlensku ríkisstjórnina fyrir að hafa valdið dauða hennar.

Colvin og franski ljósmyndarinn Remi Ochlik létust í sýrlensku borginni Homs er þau fluttu fréttir af átökunum í Sýrlandi.

Í kærunni er því haldið fram að háttsettir sýrlenskir embættismenn hafi látið sýrlenska herinn gera sérstaka loftárás á myndver blaðamannanna tveggja.

Ætlunin hafi verið að þagga niður í fjölmiðlum sem fjölluðu um átökin þar í landi. Kæran var lögð fram í Bandaríkjunum en búist er við að hún verði einnig lögð fram í Frakklandi þar sem franska lögreglan hefur rannsakað lát Ochlik sem morð.

Colvin og Ochlik höfðu bæði unnið til fjölda verðlauna á sviði stríðsblaðamennsku. Hafði COlvin meðal annars misst annað augað og gekk hún að jafnaði um með lepp fyrir auganu.