Framkvæmdastjórnin sendir ríkisstjórn Póllands viðvörun Guðsteinn Bjarnason skrifar 2. júní 2016 07:00 Frans Timmermans, aðstoðarforseti framkvæmdastjórnar ESB, og Beata Szydlo, forsætisráðherra Póllands, á fundi í Brussel í byrjun síðustu viku. Pólverjar segja athugasemdir ESB vera alvarleg afskipti af sjálfstæði landsins. vísir/epa Evrópusambandið (ESB) hefur formlega sent pólskum stjórnvöldum viðvörun vegna breytinga á pólsku stjórnarskránni, sem brjóti í bága við kröfur Evrópusambandsins um lýðræði, réttarríki og mannréttindi. Framkvæmdastjórn ESB gefur pólsku stjórninni fimm daga til þess að bregðast við, að öðrum kosti geti framkvæmdastjórnin opnað á refsiaðgerðir gegn Póllandi sem meðal annars feli í sér að Pólland verði svipt atkvæðisrétti sínum á vettvangi ESB. Hin nýja hægristjórn Laga- og réttlætisflokksins, sem komst til valda í kosningum síðastliðið haust, lét það verða eitt sitt fyrsta verk að breyta stjórnarskrá landsins þannig að ríkisstjórnin geti vikið dómurum úr hæstarétti landsins og sett eigin fulltrúa í dómstólinn í staðinn. Pólska stjórnin vísar hótunum Evrópusambandsins á bug og segir þær alvarleg afskipti af sjálfstæði landsins. Hins vegar er á fréttavefnum Euractiv.com haft eftir Zbigniew Ziobro, dómsmálaráðherra Póllands, að framkvæmdastjórn ESB ætti að vera það fullljóst, eftir langar viðræður, að pólska stjórnin sé að vinna að málamiðlunarlausn: „Ég er undrandi og dapur vegna yfirlýsingar framkvæmdastjórnar ESB, sem hefur átt í rækilegum viðræðum við pólsku stjórnina,“ segir ráðherrann. Frans Timmermans, aðstoðarforseti framkvæmdastjórnar ESB, sagði á blaðamannafundi í Brussel í gær að pólska stjórnin þurfi nú að bregðast hratt við og sýna raunverulegan vilja til þess að finna málamiðlun. Það hafi ekki tekist þrátt fyrir ítarlegar og uppbyggilegar viðræður sem staðið hafi yfir frá í janúar. „Það er sameiginleg ábyrgð stofnana Evrópusambandsins og allra aðildarríkjanna að sjá til þess að reglur réttarríkisins séu virtar,“ sagði Timmermans. „Þetta er einnig í verkahring framkvæmdastjórnarinnar sem á að gæta þess að farið sé eftir stofnsamningum ESB.“ Árið 2011 fór framkvæmdastjórn ESB með svipuðum hætti í hart gegn stjórn Viktors Orban, forsætisráðherra Ungverjalands, sem hafði þá sett lög sem takmörkuðu frelsi fjölmiðla í landinu. Eftir langar viðræður lét Orban undan og gerði ákveðnar breytingar á fjölmiðlalögunum að kröfu Evrópusambandsins. Á þeim tíma hafði framkvæmdastjórn sambandsins samt ekki þau úrræði, sem nú eru henni tiltæk. Það var ekki fyrr en árið 2014 sem það var samþykkt að hægt væri að svipta aðildarríki Evrópusambandsins atkvæðisrétti virði þau ekki meginreglur réttarríkisins.Fréttin birtist fyrst í Fréttablaðinu 2. júní Birtist í Fréttablaðinu Mest lesið Enok ákærður fyrir að fleygja manni niður tröppur og berja annan Innlent Forsetavaktin 2024: Hver verður sjöundi forseti lýðveldisins? Innlent Fyrsta flugið til Íslands var hluti heimsviðburðar Innlent Öllum aðgerðum aflýst og flugfarþegar geta andað léttar Innlent Gosið gæti þúsundfaldast við nýjan atburð Innlent „Ég sé engar staðreyndavillur í þessum þætti“ Innlent Annar hvirfilbylurinn í Oklahoma á rúmum mánuði Erlent Skelfilegt að þurfa grípa til hópuppsagna Innlent Kveðst ekki svindla á neinum með happdrætti sínu Innlent Samþykktu tillögu Sjálfstæðisflokksins Innlent Fleiri fréttir Annar hvirfilbylurinn í Oklahoma á rúmum mánuði Segir Bandaríkjamenn þurfa að þrýsta á Ísraela Skotárás við heimili Drake Stormy Daniels í dómsal með Trump Lífverðir Selenskís sakaðir um að skipuleggja banatilræði Reynt að siga lögreglu á vitni í málinu gegn Trump Fundu hlerunarbúnað í fundarherbergi ráðherra Pútín hefur fimmta kjörtímabilið með meiri völd en áður Sagðist saklaus af því að hafa drepið með eitruðum sveppum Verðhækkanir á döner-kebab eitt helsta áhyggjuefni Þjóðverja Geimskoti Starliner var frestað í nótt Segja nýjar reglur um merkingar blekkingarleik laxeldisfyrirtækja Ísraelsmenn í aðgerðum í Rafah og taka yfir landamærastöðina Tillagan „langt frá“ grundvallarkröfum Ísraela Ferðamannastaðir Færeyja lokaðir vegna viðhalds Bein útsending: Starliner ber geimfara til geimstöðvarinnar Hamas samþykkir vopnahléstillögu Áttatíu og tveggja ára Bernie vill sex ár í viðbót Ávítti Trump aftur og ítrekaði fangelsishótun Reiðir yfir ummælum Macrons og halda æfingar með kjarnorkuvopn Sökktu rússneskum hraðbát með sjálfsprengidróna Verður næsti formaður Skoska þjóðarflokksins Sakaði Biden um að reka lögregluríki í anda nasista Aukastörf meðfram þingmennsku skapi hættu á hagsmunaárekstrum Lík þriggja brimbrettakappa fundust í brunni í Mexíkó Xi og Macron ræða kínverska rafbíla og franskt koníak Um 100.000 sagt að rýma svæði á Rafah vegna „afmarkaðra aðgerða“ Búnaður Al Jazeera gerður upptækur og miðillinn í bann Ísrael samþykkir ekki vopnahlé Ísraelsmenn vísa fréttamönnum á dyr Sjá meira
Evrópusambandið (ESB) hefur formlega sent pólskum stjórnvöldum viðvörun vegna breytinga á pólsku stjórnarskránni, sem brjóti í bága við kröfur Evrópusambandsins um lýðræði, réttarríki og mannréttindi. Framkvæmdastjórn ESB gefur pólsku stjórninni fimm daga til þess að bregðast við, að öðrum kosti geti framkvæmdastjórnin opnað á refsiaðgerðir gegn Póllandi sem meðal annars feli í sér að Pólland verði svipt atkvæðisrétti sínum á vettvangi ESB. Hin nýja hægristjórn Laga- og réttlætisflokksins, sem komst til valda í kosningum síðastliðið haust, lét það verða eitt sitt fyrsta verk að breyta stjórnarskrá landsins þannig að ríkisstjórnin geti vikið dómurum úr hæstarétti landsins og sett eigin fulltrúa í dómstólinn í staðinn. Pólska stjórnin vísar hótunum Evrópusambandsins á bug og segir þær alvarleg afskipti af sjálfstæði landsins. Hins vegar er á fréttavefnum Euractiv.com haft eftir Zbigniew Ziobro, dómsmálaráðherra Póllands, að framkvæmdastjórn ESB ætti að vera það fullljóst, eftir langar viðræður, að pólska stjórnin sé að vinna að málamiðlunarlausn: „Ég er undrandi og dapur vegna yfirlýsingar framkvæmdastjórnar ESB, sem hefur átt í rækilegum viðræðum við pólsku stjórnina,“ segir ráðherrann. Frans Timmermans, aðstoðarforseti framkvæmdastjórnar ESB, sagði á blaðamannafundi í Brussel í gær að pólska stjórnin þurfi nú að bregðast hratt við og sýna raunverulegan vilja til þess að finna málamiðlun. Það hafi ekki tekist þrátt fyrir ítarlegar og uppbyggilegar viðræður sem staðið hafi yfir frá í janúar. „Það er sameiginleg ábyrgð stofnana Evrópusambandsins og allra aðildarríkjanna að sjá til þess að reglur réttarríkisins séu virtar,“ sagði Timmermans. „Þetta er einnig í verkahring framkvæmdastjórnarinnar sem á að gæta þess að farið sé eftir stofnsamningum ESB.“ Árið 2011 fór framkvæmdastjórn ESB með svipuðum hætti í hart gegn stjórn Viktors Orban, forsætisráðherra Ungverjalands, sem hafði þá sett lög sem takmörkuðu frelsi fjölmiðla í landinu. Eftir langar viðræður lét Orban undan og gerði ákveðnar breytingar á fjölmiðlalögunum að kröfu Evrópusambandsins. Á þeim tíma hafði framkvæmdastjórn sambandsins samt ekki þau úrræði, sem nú eru henni tiltæk. Það var ekki fyrr en árið 2014 sem það var samþykkt að hægt væri að svipta aðildarríki Evrópusambandsins atkvæðisrétti virði þau ekki meginreglur réttarríkisins.Fréttin birtist fyrst í Fréttablaðinu 2. júní
Birtist í Fréttablaðinu Mest lesið Enok ákærður fyrir að fleygja manni niður tröppur og berja annan Innlent Forsetavaktin 2024: Hver verður sjöundi forseti lýðveldisins? Innlent Fyrsta flugið til Íslands var hluti heimsviðburðar Innlent Öllum aðgerðum aflýst og flugfarþegar geta andað léttar Innlent Gosið gæti þúsundfaldast við nýjan atburð Innlent „Ég sé engar staðreyndavillur í þessum þætti“ Innlent Annar hvirfilbylurinn í Oklahoma á rúmum mánuði Erlent Skelfilegt að þurfa grípa til hópuppsagna Innlent Kveðst ekki svindla á neinum með happdrætti sínu Innlent Samþykktu tillögu Sjálfstæðisflokksins Innlent Fleiri fréttir Annar hvirfilbylurinn í Oklahoma á rúmum mánuði Segir Bandaríkjamenn þurfa að þrýsta á Ísraela Skotárás við heimili Drake Stormy Daniels í dómsal með Trump Lífverðir Selenskís sakaðir um að skipuleggja banatilræði Reynt að siga lögreglu á vitni í málinu gegn Trump Fundu hlerunarbúnað í fundarherbergi ráðherra Pútín hefur fimmta kjörtímabilið með meiri völd en áður Sagðist saklaus af því að hafa drepið með eitruðum sveppum Verðhækkanir á döner-kebab eitt helsta áhyggjuefni Þjóðverja Geimskoti Starliner var frestað í nótt Segja nýjar reglur um merkingar blekkingarleik laxeldisfyrirtækja Ísraelsmenn í aðgerðum í Rafah og taka yfir landamærastöðina Tillagan „langt frá“ grundvallarkröfum Ísraela Ferðamannastaðir Færeyja lokaðir vegna viðhalds Bein útsending: Starliner ber geimfara til geimstöðvarinnar Hamas samþykkir vopnahléstillögu Áttatíu og tveggja ára Bernie vill sex ár í viðbót Ávítti Trump aftur og ítrekaði fangelsishótun Reiðir yfir ummælum Macrons og halda æfingar með kjarnorkuvopn Sökktu rússneskum hraðbát með sjálfsprengidróna Verður næsti formaður Skoska þjóðarflokksins Sakaði Biden um að reka lögregluríki í anda nasista Aukastörf meðfram þingmennsku skapi hættu á hagsmunaárekstrum Lík þriggja brimbrettakappa fundust í brunni í Mexíkó Xi og Macron ræða kínverska rafbíla og franskt koníak Um 100.000 sagt að rýma svæði á Rafah vegna „afmarkaðra aðgerða“ Búnaður Al Jazeera gerður upptækur og miðillinn í bann Ísrael samþykkir ekki vopnahlé Ísraelsmenn vísa fréttamönnum á dyr Sjá meira