Di Caprio og Gordon Ramsay ætla að sjá Conor

Aðdráttarafl Írans Conor McGregor er slíkt að stjörnurnar fjölmenna nú á bardaga hjá honum.

Er hann barðist síðasta sumar þá mættu bæði Arnold Schwarzenegger og Mike Tyson í salinn. Það verður ekki mikið dýrara.

Það verða líka stjörnur í MGM Grand Garden Arena aðra nótt en stærsta stjarnan á svæðinu verður líklega Óskarsverðlaunahafinn Leonardo di Caprio en hann er búinn að boða komu sína.

Það hefur meistarakokkurinn Gordon Ramsay einnig gert sem og tónlistarmaðurinn Bruno Mars. Leikararnir Gerard Butler og Josh Brolin verða líka á svæðinu.

Svo er spurning hvort Tortímandinn láti ekki sjá sig aftur en hann er mikill aðdáandi Conors.