Gekk berserksgang með öxi

17 ára drengur frá Afganistan vopnaður öxi og hnífi gekk berserksgang í lest í Þýskalandi í kvöld. Hann er sagður hafa sært nokkra og þar af þrjá lífshættulega. Árásin átti sér stað í lest á milli Wurzburg-Heidingsfeld og Ochsenfurt. Einn farþega lestarinnar greip í neyðarheimil og stöðvaðist lestin.

Drengurinn sem hljóp út úr lestinni var skotinn til bana af lögreglu þegar hann reyndi að flýja af vettvangi.

Fjórtán farþegar lestarinnar þurfu á áfallahjálp að halda.

Innanríkisráðherra Bavaríu segir að árásarmaðurinn hafi verið 17 ára drengur frá Afganistan. Hann er talinn hafa ferðast einn síns liðs til Þýskalands sem flóttamaður og bjó í bænum Ochsenfurt. Lögreglan segir of snemmt að segja til um ástæður árásarinnar.

Bayer. Innenminister: 17-jähriger Afghane ist Zugtäter in Bayern. @ZDFheute @heuteplus @heutejournal

— Elmar Theveßen (@ethevessen) July 18, 2016