Sjáðu mörkin og vítakeppnina í Meistarakeppninni | Myndband

Vítaspyrnukeppni þurfti til að knýja fram úrslit í leik Vals og FH í Meistarakeppni KSÍ í kvöld.

Staðan eftir venjulegan leiktíma var 3-3 en Guðjón Pétur Lýðsson jafnaði metin fyrir Val á lokamínútu leiksins með frábæru skoti beint úr aukaspyrnu.

Því þurfti að grípa til vítakeppni þar sem Valsmenn voru öryggið uppmálað. Þeir skoruðu úr öllum fjórum spyrnum sínum á meðan Steven Lennon og Bergsveinn Ólafsson skutu báðir í slána fyrir FH.

Staðan eftir fyrstu þrjár umferðirnar var 3-1 og Sindri Björnsson tryggði Valsmönnum svo titilinn þegar hann skoraði úr fjórðu spyrnu þeirra.

Mörkin úr leiknum og vítakeppnina má sjá hér að neðan.

Mörkin úr leiknum Vítakeppnin