Sjáðu klúðrið ótrúlega hjá Schoop | Myndband

Jacob Schoop, leikmaður KR, átti eflaust erfitt með svefn í gær en hann klúðraði sannkölluðu dauðafæri undir lokin á leik KR og Vals í 18. umferð Pepsi-deildar karla í gær.

Staðan var 1-2, Val í vil þegar Schoop fékk þetta upplagða færi til að jafna metin.

Óskar Örn Hauksson skallaði þá að marki eftir skógarhlaup Ingvars Þór Kale, markvarðar Vals. Boltinn barst á Schoop sem þurfti einungis að skalla boltann í opið markið en á einhvern ótrúlegan hátt setti Daninn boltann yfir markið.

Sem betur fer fyrir Schoop náði Almarr Ormarsson að jafna metin fyrir KR í uppbótartíma og tryggja Vesturbæingum stig.

Eftir leikinn er KR með 35 stig í 3. sæti deildarinnar, sjö stigum á eftir toppliði FH þegar aðeins fjórar umferðir eru eftir af deildinni.

Klúðrið ótrúlega hjá Schoop má sjá í spilaranum hér að ofan.