Fjórir karlmenn á Íslandi skráðir á vefsíðu fyrir fylgdarþjónustu

Fjórir karlmenn sem segjast vera staðsettir í Reykjavík eru skráðir á alþjóðlega vefsíðu fyrir fylgdarþjónustu.

Að minnsta kosti einn af þeim mönnum sem skráður er á vefsíðuna sem nefnist cityoflove.com býður upp á kynlífsþjónustu gegn gjaldi. Sá segist vera á þrítugsaldri og stofnaði aðgang sinn að síðunni fyrir rétt rúmum mánuði eða þann 3. nóvember.

Gjaldið sem hann tekur fyrir klukkutímann er 200 evrur sem eru um 28 þúsund krónur en fyrir tvo klukkutíma tekur hann 450 evrur, 63 þúsund krónur íslenskar.

Hinir þrír sem segjast vera staddir á Íslandi gefa ekki upp verð en miðað við þær upplýsingar sem þeir gefa upp er augljóst að þeir séu á höttunum eftir því að komast í samband við einstaklinga eða pör með kynlíf í huga.

Líkt og Stöð 2 greindi frá í fréttum sínum í kvöld eru tæplega hundrað konur sem segjast vera staðsettar á Íslandi skráðar á vefsíðuna cityoflove.com.

Síðan gefur sig út fyrir að vera ætluð fyrir fylgdarþjónustu, eða svokallað escort, en þegar nánar er skoðað er augljóst að hún er hugsuð fyrir vændi.

Í frétt Stöðvar 2 um málið kom fram erfitt sé fyrir lögregluna að rannsaka mál mál af þessu tagi en hún fái þó reglulega ábendingar um vefsíður á borð við cityoflove.com. 

Oft á tíðum noti þeir sem bjóði upp á þjónustu í gegnum þessa síðu símanúmer með frelsiskortum sem ekki hægt sé að rekja auk þess sem þeir í mörgum tilvikum aðeins staddar tímabundið hér á landi.