Bieber drepinn í Zoolander 2

Ben Stiller hefur nú birt fyrstu stikluna fyrir kvikmyndina Zoolander 2. Á Facebook segir Stiller að það hafi einungis tekið 14 ár að koma þessari stiklu í loftið. Myndarinnar hefur verið beðið með mikilli eftirvæntingu, en hún verður frumsýnd þann 12. febrúar næstkomandi.

Sem áður leika þeir Ben Stiller og Owen Wilson þá Derek Zoolander og Hansel. Þeir virðast aftur þurfa að kljást vil illmennið Mugatu, sem leikinn er af Will Ferrell. Eins og fram kemur í stiklunni virðist Mugatu vera að myrða allt fallegasta fólk heims og er söngvarinn Justin Bieber myrtur í stiklunni.