Stjórnvöld í Ungverjalandi munu lýsa yfir neyðarástandi

Innanríkisráðherra Ungverjalands hefur lagt til að neyðarástandi verði lýst yfir í landinu frá og með þriðjudeginum 15. september næstkomandi vegna gríðarlegs straums flóttamanna.

Talsmaður Viktor Orbán forsætisráðherra greindi frá þessu í samtali við Reuters.

Um 3.700 manns hafa haldið frá Ungverjalandi til Austurríkis það sem af er degi, en flestir þeirra hyggjast halda ferð sinni áfram til Þýskalands.

Tugþúsundir sýrlenskra flóttamanna hafa komið frá Serbíu til Ungverjalands á síðustu vikum.