Búið að fara yfir allar skemmdir á Siglufirði

Matsmenn Viðlagatryggingar Íslands eru búnir að skoða öll hús á Siglufirði, sem urðu fyrir tjóni í flóðunum í þar síðustu viku. Nú tekur við pappírsvinna sem gengur út á að kanna verðmæti hluta og ýmislegt, svo hægt sé að reikna út tjónið.

Hulda Ragnheiður Árnadóttir, framkvæmdastjóri Viðlagatryggingar Íslands, segir að liðlega 30 fasteignir hafi skemmst í heild sé um liðlega 60 matsgerðir sem nauðsynlegt er að vinna.

„Við erum rosalega ánægð með að náðst hafi að fara í öll hús í síðustu viku. Fólk veit nú hverju má henda og getur farið að vinna úr þessu,“ segir Hulda.

Mat á tjóni sem varð á fráveitukerfi Siglufjarðar er enn í vinnslu.