Siglufjarðarvegur enn lokaður

Siglufjarðarvegur á milli Skagafjarðar og Siglufjarðar er enn lokaður eftir að aurskriður féllu á hann fyrir helgi. Vegagerðarmenn beita stórvirkum tækjum við hreinsun vegarins og liggur ekki fyrir hvenær hann verður fær á ný.

Það er hinsvegar búið að opna veginn norðan Bjarnarfjarðar á Ströndum en vegfarendur eru beðnir að sýna aðgát. Ekki er enn búið að meta tjónið sem varð vegna flóða á Siglufirði á föstudag, en ljóst er að það hleypur á mörgum tugum milljóna króna.