Erlent

Tilskipun frá Evrópusambandinu á hlut í hversu margir flóttamenn hafa drukknað

Nanna Elísa Jakobsdóttir skrifar
Fjölmargir flóttamenn hafa lagt sig í stórhættu við að komast frá stríðshrjáðu heimalandi sínu.
Fjölmargir flóttamenn hafa lagt sig í stórhættu við að komast frá stríðshrjáðu heimalandi sínu. Vísir/EPA

Prófessor Hans Rosling útskýrir í myndbandinu hér að neðan hvernig tilskipun frá Evrópusambandinu hefur bein áhrif á það hversu margir flóttamenn hafa drukknað í Miðjarðarhafinu. Rosling hefur vakið athygli fyrir greinagóð myndbönd sín um flóttamannavandann.

Rosling sýnir í myndbandinu sem er frá því í apríl á þessu ári hvers vegna flóttamenn geta ekki notast við flugsamgöngur á flótta sínum frá stríðshrjáðum heimalöndum sínum.

Bátsferðin hættulega yfir Miðjarðarhafið kostar um tvisvar til þrisvar sinnum meira en flugmiði. Það sem stöðvar flóttamennina er tilskipun frá Evrópusambandinu sem segir að öll flugfélög sem flytja ólöglegan innflytjanda inn í Evrópuland verði að greiða flugfargjöld og annan kostnað sem tilheyrir því að senda manneskjuna aftur til síns heima. Tilskipunin á ekki að gilda um flóttafólk sem vill koma til Evrópu á grundvelli Genfar-sáttmálans en af því að Evrópusambandið hefur sett það í hendurnar á flugfélögunum að taka ákvörðun um málið og ekkert þeirra velur að taka áhættuna.

Myndbandið útskýrir málið í heild sinni.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.