Umfjöllun, viðtöl og einkunnir: Valur - Fylkir 4-2 | Loksins Valssigur Eiríkur Stefán Ásgeirsson á Laugardalsvelli skrifar 24. ágúst 2015 21:00 Kristinn Ingi skoraði í fyrri leik liðanna. vísir/anton Valur er kominn aftur á sigurbraut í Pepsi-deild karla eftir sannfærandi 4-2 sigur á Fylki á Laugardalsvelli. Valsmenn höfðu leikið fjóra deildarleiki í röð án sigurs og beðið eftir sigri í rúman mánuð. Patrick Pedersen skoraði bæði mörk Vals í fyrri hálfleik sem var að mestu eign Valsmanna. Fylkismenn kvörtuðu þó sáran undan dómgæslu velska dómarans Iwan Griffith og fékk Hermann Hreiðarsson, þjálfari Fylkis, að líta rauða spjaldið. Kristinn Ingi Halldórsson skoraði svo eftir sendingu Pedersen á 53. mínútu áður en Ásgeir Eyþórsson klóraði í bakkann fyrir Fylki. Einar Karl Ingvarsson skoraði svo fjórða mark Vals með glæsilegu skoti utan teigs áður en Ásgeir skoraði öðru sinni fyrir Fylki eftir mistök varamarkvarðins Antons Ara Einarssonar. Fylkismenn hafa lagt áherslu á sterkan varnarleik eftir að Hermann tók við og var ekki annað að sjá á liðinu framan af leik að það ætlaði að spila stífan varnarleik og stóla á skyndisóknir og föst leikatriði. Pedersen náði hins vegar að setja stórt strik í áætlanir Fylkismanna strax á áttundu mínútu er hann skoraði fallegt mark, beint úr aukaspyrnu. Fylkismenn voru hins vegar ósáttir við aukaspyrnuna sem velski dómarinn Iwan Griffith dæmdi og var það ekki í fyrsta sinn sem Árbæingar mótmæltu frammistöðu hans í leiknum. Valsmenn stjórnuðu leiknum áfram og héldu áfram að herja á Fylkisvörnina með hverri sókninni á fætur annarri. Gunnar Gunnarsson var þó næstum búinn að gefa Árbæingum mark í stöðunni 1-0 en Albert Ingason fór illa að ráði sínu gegn Ingvari Kale í markinu. Ingvar fór svo meiddur af velli í hálfleik. Stuttu eftir færi Alberts vildu Fylksimenn fá víti er Haukur Páll Sigurðsson virtist ýta við Tonci Radovinkovic í teig Valsmanna en Griffith dæmdi ekkert. Valsmenn héldu í sókn, Daði Ólafsson braut á Sigurði Agli Lárusson og í þetta sinn dæmdi Griffiths víti. Þetta reyndist of mikið fyrir Hermann, sem nokkrum mínútum áður hafði mótmælt dómgæslu Griffith. Hann sparkaði í vatnsbrúsa með miklum tilþrifum og fékk fyrir vikið að líta rauða spjaldið. Pedersen komst svo nálægt því að bæta þriðja markinu við er hann slapp í gegn í lok fyrri hálfleiks en varð að láta sér nægja að leggja upp mark fyrir Kristin Inga Halldórsson á áttundu mínútu síðari hálfleiks eftir fallega sókn Valsmanna. Markið gerði í raun endanlega út um vonir Fylkismanna, sem náðu þó að minnka muninn með skallamarki Ásgeirs Eyþórssonar eftir hornspyrnu. Albert hafði skömmu áður illa farið með gott færi. Glæsimark Einars Karls stráði svo salti í sári Fylkismanna og breyttu litlu þó svo að Ásgeir hafi skorað öðru sinni fyrir Fylki. Leikurinn leystist algjörlega upp etir þetta. Nokkur gul spjöld fóru á loft á lokamínútunum en leikmenn sluppu þó við það rauða. Sigur Vals var fyllilega verðskuldaður og liðið spilaði sinn besta leik í deildinni í rúman mánuð. Mikilvægi Patrick Pedersen er gríðarlega mikið fyrir Val en mörkin hans tvö í fyrri hálfleik sem og stoðsendingin sem bjó til þriðja markið var nóg til að rota Árbæinga. Fylkismönnum hafði gengið ágætlega að spila gegn sterkari liðum á útivelli en kolféllu á prófinu í dag. Miðja liðsins var yfirspiluð auk þess sem að leikmenn létu mótlætið fara illa með sig á löngum köflum. Árbæinga skortir enn stöðugleika sem liðið hefur leitað að í allt sumar en úrslit síðustu leikja verða að teljast vonbrigði fyrir Fylkismenn enda liðið aðeins fengið eitt stig af níu mögulegum. Liðið hefur upp á lítið að spila í síðustu umferðunum nema stoltið.Ólafur: Fylkismenn misstu hausinn Ólafur Jóhannesson segir að hans menn hafi vonandi náð að segja skilið við bikarkeppnina með sannfærandi 4-2 sigri á Fylki í Pepsi-deild karla í kvöld. „Ég er mjög sáttur. Við vorum betri allan tímann og höfðum góða stjórn á leiknum. Þetta voru frábær þrjú stig,“ sagði Ólafur. Patrick Pedersen átti frábæran leik, skoraði tvö og lagði upp eitt. „Ég hef sagt það áður. Hann er frábær fótboltamaður og okkur munar um hann.“ Fylkismenn kvörtuðu undan frammistöðu velska dómarans sem dæmdi leikinn en Hermann Hreiðarsson, þjálfari Fylkis, var rekinn af velli í fyrri hálfleik. „Mér fannst dómgæslan fín í þessum leik. Þeir ætluðu greina að sparka okkur niður og spila fast á okkur. Þá fá þeir eitthvað á sig í staðinn - spjöld og vitleysu.“ „Ég vil meina að þeir hafi misst hausinn,“ sagði Ólafur enn fremur. Ólafur segir að Valsmenn hafi verið í basli í deildinni að undanförnu enda liðið ekki unnið deildarleik í rúman mánuð þar til í kvöld. „Við höfum verið í vandræðum síðan við tryggðum okkur sætið í bikarúrslitunum. En vonandi erum við búnir að ýta bikarkeppninni til hliðar í bili að minnsta kosti svo við getum klárað þetta mót eins og menn.“ „Það er oft þannig þegar menn sem hafa ekki unnið mikið á ferlinum það verður ákveðið spennufall í liðinu við stóra sigra. Það getur verið erfitt að ná mönnum aftur upp en við sýndum í dag að við ætlum að halda áfram.“ Hann segir markmiðið ljóst fyrir framhaldið. „Við ætlum að halda áfram að safna stigum og koma okkur einu sæti ofar í töflunni.“Jóhannes Karl: Ætlum að vinna áfram í okkar málum Jóhannes Karl Guðjónsson vildi ekki skella skuldinni á dómara leiksins eftir 4-2 tap gegn Val í Pepsi-deild karla í kvöld. „Valsararnir eru með hörkulið og við reyndum að stoppa þá. Það gekk þokkalega framan af en þeir gerðu vel í þessu víti sem þeir fengu sem og aukaspyrnunni,“ sagði hann og vísaði til aðdraganda fyrstu tveggja marka Vals í leiknum. „Það er svo alltaf spurning með þessi vafaatriði. Mér fannst þetta ekki vera brot þegar hann dæmir aukaspyrnu [fyrir fyrsta mark Vals] en þetta er alltaf víti.“ „Að sama skapi fannst mér að við áttum að fá víti skömmu áður en þeir fá sitt þegar það var ýtt í bakið á okkar manni. En svona er þetta bara.“ Hann segir að fyrri hálfleikurinn hafi verið þokkalegur af hálfu Fylkis. „En þeir náðu bara að skora þessi mörk sem skipti máli og það var erfitt að ætla að vinna þann mun upp í seinni hálfleik.“´ Jóhannes Karl vildi ekki skella skuldinni á frammistöðu velska dómarans. „Hann var örugglega að reyna sitt besta og auðvitað vill maður að vafaatriðin falli með manni. Hann var bara ágætur, þessi dómari.“ Fylkismenn hefur vantað stöðugleika í deildinni í sumar að mati Jóhannesar Karls og því hafi úrslit kvöldsins verið vonbrigði. „Við vitum að við getum spilað fínan fótbolta og getum varist vel. Við ætlum að vinna í þessum málum út tímabilið og vonandi getum við lagað það sem þarf að laga.“Reynir: Aukaspyrnan ódýr Reynir Leósson, aðstoðarþjálfari Fylkis, sat fyrir svörum blaðamanna eftir leik í kvöld enda fékk þjálfarinn Hermann Hreiðarsson að líta rauða spjaldið í fyrri hálfleik er Fylkir tapaði fyrir Val, 4-2. „Við ætluðum að nálgast Valsmennina í kvöld en fengum á okkur fjögur mörk og töpuðum leiknum. Það er auðvitað allt of mikið og afar svekkjandi,“ sagði Reynir. „Ég gef þó mönnum hrós fyrir að halda áfram að sækja á þá og reyna að jafna þennan leik. Við skorum tvö mörk en það var ekki nóg.“ Aukaspyrnumark Patrick Pedersen í upphafi leiks breytti miklu fyrir gang leiksins að mati Reynis. „Mér fannst þetta vera ansi ódýr aukaspyrna sem þeir fengu. Maður situr reyndar ansi langt frá hér á Laugardalsvellinum og maður leyfir því dómaranum að njóta vafans eins og er.“ „Patrick Pedersen skorar svo með góðu skoti en ég veit ekki hvort að markvörðurinn okkar hefði getað gert betur.“ Fylkismenn fengu svo annað mark á sig úr vítaspyrnu aðeins mínútu eftir að hafa sjálfir beðið um vítaspyrnu hinum megin á vellinum. „Ég held að við getum ekki kennt dómaranum um en auðvitað voru þetta stór atvik. Við vildum fá víti þegar það var keyrt aftan í króatíska miðvörðinn okkar en tek það þó fram að ég tel að vítið sem við fengum á okkur hafi verið réttur dómur.“ „Stundum fellur þetta með manni og stundum ekki. En við héldum þó áfram og reyndum eins og við gátum.“ Kolbeinn Finnsson spilaði allan leikinn fyrir Fylki í dag en hann er fæddur árið 1999. „Hann er þroskaður strákur, bæði líkamlega og andlega. Hann byrjaði mjög vel í leiknum en átti erfitt uppdráttar þegar leið á leikinn eins og aðrir í liðinu, enda slitnaði það nokkuð í sundur. En mér fannst hann komast afar vel frá þessu.“Pedersen: Reifst við Einar Karl um aukaspyrnuna Patrick Pedersen átti stórleik fyrir Val gegn Fylki í kvöld - skoraði tvö og lagði upp eitt í 4-2 sigri. „Ég var ekki með síðast þar sem ég fann nokkuð fyrir fætinum þá. En ég fékk þrjá daga í hvíld og fann ekki fyrir verkjum í dag,“ sagði hann. „En svo fékk ég högg á hina löppina eftir um fimmtán mínútur þannig að þetta verður bara ekkert betra,“ sagði hann í léttum dúr. Patrick vonast til að vera með Val í síðustu fimm leikjum tímabilsins. „Við verðum bara að sjá til. Ég stefni að því að minnsta kosti.“ Hann segir að sigurinn hafi aldrei verið í hættu gegn Fylki. Liðið hafi spilað vel, sérstaklega í fyrri hálfleik. Patrick skoraði glæsilegt mark beint úr aukaspyrnu í fyrri hálfleik og það gaf tóninn. „Ég var með sjálfstraustið í lagi og eftir að hafa rifist aðeins við Einar um hver ætti að taka þetta var ákveðið að ég myndi taka hana. Það fór vel,“ sagði hann og hló. Patrick vonast til þess að hafa sett pressu á liðin fyrir ofan Val í deildinni með sigrinum í kvöld. „Nú eru þrjú stig í KR sem spilar á morgun. Við sjáum bara til.“ Pepsi Max-deild karla Mest lesið Golfstjarnan stytti sér aldur Golf Katrín Tanja á skurðarborðið: Ég er svo stressuð Sport Gat ekki gengið fyrir nokkrum dögum en vann síðan sögulegt silfur á HM Sport Sjáðu lokasóknina ótrúlegu og senuþjófinn Kane í viðtali Óla Óla Körfubolti Sér ekki eftir ræðunni umdeildu þó móðir hans sé virtur eðlisfræðingur Sport „Gerist ekki grátlegra“ Handbolti Sveindís Jane mætti og studdi sína konu: Stolt af þér gullið mitt Fótbolti „Ég mæli ekki með þessu fyrir neinn mann“ Körfubolti Úlfarnir ráða ekkert við Luka og Kyrie Körfubolti Uppgjör: Grindavík-Valur 80-78 | Oddaleikur niðurstaðan þökk sé ótrúlegasta endi síðari ára Körfubolti Fleiri fréttir Uppgjör og viðtöl: Fram-Breiðablik 1-4 | Þriðji sigur Blika í röð Mörkin úr stórleiknum á Kópavogsvelli og öll hin „Þegar við fengum sénsana þá tókum við þá“ „Svona eru íþróttir“ „Frammistaðan til fyrirmyndar í dag“ Uppgjör, viðtöl og myndir: Stjarnan-KA 5-0 | Einstefna í Garðabæ Uppgjör: Valur-FH 2-2 | Hvorugt liðið fór sátt af velli á Hlíðarenda „Eins og að fara í ristilskoðun og svo beint til tannlæknis að láta rífa úr sér endajaxla“ „Manni líður eins og þetta hafi verið tap“ Uppgjör: ÍA-Víkingur 0-1 | Vítaspyrna tryggði meisturunum stigin þrjú Uppgjör: KR-Vestri 2-2 | Vesturbæingar geta ekki unnið á Meistaravöllum „Þurfum að virða það að þú þarft að hafa fyrir hlutunum“ „Ekkert smá sætt“ Uppgjörið og viðtöl: Keflavík - Þróttur R. 1-0 | Fyrsti sigur Keflvíkinga Neyddust til að fresta útaf rosalegu roki Uppgjörið og viðtöl: FH - Víkingur 2-2 | Dramatískt jafntefli í Kaplakrika Breiðablik tók fram úr Val í launagreiðslum til leikmanna Víkingar greiddu langmest í sektir vegna agamála Uppgjörið: Þór/KA - Tindastóll 5-0 | Þór/KA í stuði í Boganum Uppgjörið, viðtöl og myndir: Breiðablik-Valur 2-1 | Endurkomusigur hjá Blikum Uppgjör og viðtöl: Stjarnan-Fylkir 2-1 | Stjörnukonur að komast í gang Blikar högnuðust um 105 milljónir króna „Margir hlutir sem spila inn í en fyrst og fremst þessi hefð og menning“ „Ekkert skemmtilegra en að vinna Val“ Allir á eitt við erfiðar aðstæður: „Þetta tók alveg á“ KA-menn kölluðu eftir hjálp sálfræðings Fjölnismenn á toppinn í Lengjunni Starfsmaður Fylkis dæmdur í tveggja leikja bann „Menn eru gríðarlega súrir“ Uppgjörið, viðtöl og myndir: Breiðablik - Stjarnan 2-1 | Blikar minnkuðu forskot Víkinga Sjá meira
Valur er kominn aftur á sigurbraut í Pepsi-deild karla eftir sannfærandi 4-2 sigur á Fylki á Laugardalsvelli. Valsmenn höfðu leikið fjóra deildarleiki í röð án sigurs og beðið eftir sigri í rúman mánuð. Patrick Pedersen skoraði bæði mörk Vals í fyrri hálfleik sem var að mestu eign Valsmanna. Fylkismenn kvörtuðu þó sáran undan dómgæslu velska dómarans Iwan Griffith og fékk Hermann Hreiðarsson, þjálfari Fylkis, að líta rauða spjaldið. Kristinn Ingi Halldórsson skoraði svo eftir sendingu Pedersen á 53. mínútu áður en Ásgeir Eyþórsson klóraði í bakkann fyrir Fylki. Einar Karl Ingvarsson skoraði svo fjórða mark Vals með glæsilegu skoti utan teigs áður en Ásgeir skoraði öðru sinni fyrir Fylki eftir mistök varamarkvarðins Antons Ara Einarssonar. Fylkismenn hafa lagt áherslu á sterkan varnarleik eftir að Hermann tók við og var ekki annað að sjá á liðinu framan af leik að það ætlaði að spila stífan varnarleik og stóla á skyndisóknir og föst leikatriði. Pedersen náði hins vegar að setja stórt strik í áætlanir Fylkismanna strax á áttundu mínútu er hann skoraði fallegt mark, beint úr aukaspyrnu. Fylkismenn voru hins vegar ósáttir við aukaspyrnuna sem velski dómarinn Iwan Griffith dæmdi og var það ekki í fyrsta sinn sem Árbæingar mótmæltu frammistöðu hans í leiknum. Valsmenn stjórnuðu leiknum áfram og héldu áfram að herja á Fylkisvörnina með hverri sókninni á fætur annarri. Gunnar Gunnarsson var þó næstum búinn að gefa Árbæingum mark í stöðunni 1-0 en Albert Ingason fór illa að ráði sínu gegn Ingvari Kale í markinu. Ingvar fór svo meiddur af velli í hálfleik. Stuttu eftir færi Alberts vildu Fylksimenn fá víti er Haukur Páll Sigurðsson virtist ýta við Tonci Radovinkovic í teig Valsmanna en Griffith dæmdi ekkert. Valsmenn héldu í sókn, Daði Ólafsson braut á Sigurði Agli Lárusson og í þetta sinn dæmdi Griffiths víti. Þetta reyndist of mikið fyrir Hermann, sem nokkrum mínútum áður hafði mótmælt dómgæslu Griffith. Hann sparkaði í vatnsbrúsa með miklum tilþrifum og fékk fyrir vikið að líta rauða spjaldið. Pedersen komst svo nálægt því að bæta þriðja markinu við er hann slapp í gegn í lok fyrri hálfleiks en varð að láta sér nægja að leggja upp mark fyrir Kristin Inga Halldórsson á áttundu mínútu síðari hálfleiks eftir fallega sókn Valsmanna. Markið gerði í raun endanlega út um vonir Fylkismanna, sem náðu þó að minnka muninn með skallamarki Ásgeirs Eyþórssonar eftir hornspyrnu. Albert hafði skömmu áður illa farið með gott færi. Glæsimark Einars Karls stráði svo salti í sári Fylkismanna og breyttu litlu þó svo að Ásgeir hafi skorað öðru sinni fyrir Fylki. Leikurinn leystist algjörlega upp etir þetta. Nokkur gul spjöld fóru á loft á lokamínútunum en leikmenn sluppu þó við það rauða. Sigur Vals var fyllilega verðskuldaður og liðið spilaði sinn besta leik í deildinni í rúman mánuð. Mikilvægi Patrick Pedersen er gríðarlega mikið fyrir Val en mörkin hans tvö í fyrri hálfleik sem og stoðsendingin sem bjó til þriðja markið var nóg til að rota Árbæinga. Fylkismönnum hafði gengið ágætlega að spila gegn sterkari liðum á útivelli en kolféllu á prófinu í dag. Miðja liðsins var yfirspiluð auk þess sem að leikmenn létu mótlætið fara illa með sig á löngum köflum. Árbæinga skortir enn stöðugleika sem liðið hefur leitað að í allt sumar en úrslit síðustu leikja verða að teljast vonbrigði fyrir Fylkismenn enda liðið aðeins fengið eitt stig af níu mögulegum. Liðið hefur upp á lítið að spila í síðustu umferðunum nema stoltið.Ólafur: Fylkismenn misstu hausinn Ólafur Jóhannesson segir að hans menn hafi vonandi náð að segja skilið við bikarkeppnina með sannfærandi 4-2 sigri á Fylki í Pepsi-deild karla í kvöld. „Ég er mjög sáttur. Við vorum betri allan tímann og höfðum góða stjórn á leiknum. Þetta voru frábær þrjú stig,“ sagði Ólafur. Patrick Pedersen átti frábæran leik, skoraði tvö og lagði upp eitt. „Ég hef sagt það áður. Hann er frábær fótboltamaður og okkur munar um hann.“ Fylkismenn kvörtuðu undan frammistöðu velska dómarans sem dæmdi leikinn en Hermann Hreiðarsson, þjálfari Fylkis, var rekinn af velli í fyrri hálfleik. „Mér fannst dómgæslan fín í þessum leik. Þeir ætluðu greina að sparka okkur niður og spila fast á okkur. Þá fá þeir eitthvað á sig í staðinn - spjöld og vitleysu.“ „Ég vil meina að þeir hafi misst hausinn,“ sagði Ólafur enn fremur. Ólafur segir að Valsmenn hafi verið í basli í deildinni að undanförnu enda liðið ekki unnið deildarleik í rúman mánuð þar til í kvöld. „Við höfum verið í vandræðum síðan við tryggðum okkur sætið í bikarúrslitunum. En vonandi erum við búnir að ýta bikarkeppninni til hliðar í bili að minnsta kosti svo við getum klárað þetta mót eins og menn.“ „Það er oft þannig þegar menn sem hafa ekki unnið mikið á ferlinum það verður ákveðið spennufall í liðinu við stóra sigra. Það getur verið erfitt að ná mönnum aftur upp en við sýndum í dag að við ætlum að halda áfram.“ Hann segir markmiðið ljóst fyrir framhaldið. „Við ætlum að halda áfram að safna stigum og koma okkur einu sæti ofar í töflunni.“Jóhannes Karl: Ætlum að vinna áfram í okkar málum Jóhannes Karl Guðjónsson vildi ekki skella skuldinni á dómara leiksins eftir 4-2 tap gegn Val í Pepsi-deild karla í kvöld. „Valsararnir eru með hörkulið og við reyndum að stoppa þá. Það gekk þokkalega framan af en þeir gerðu vel í þessu víti sem þeir fengu sem og aukaspyrnunni,“ sagði hann og vísaði til aðdraganda fyrstu tveggja marka Vals í leiknum. „Það er svo alltaf spurning með þessi vafaatriði. Mér fannst þetta ekki vera brot þegar hann dæmir aukaspyrnu [fyrir fyrsta mark Vals] en þetta er alltaf víti.“ „Að sama skapi fannst mér að við áttum að fá víti skömmu áður en þeir fá sitt þegar það var ýtt í bakið á okkar manni. En svona er þetta bara.“ Hann segir að fyrri hálfleikurinn hafi verið þokkalegur af hálfu Fylkis. „En þeir náðu bara að skora þessi mörk sem skipti máli og það var erfitt að ætla að vinna þann mun upp í seinni hálfleik.“´ Jóhannes Karl vildi ekki skella skuldinni á frammistöðu velska dómarans. „Hann var örugglega að reyna sitt besta og auðvitað vill maður að vafaatriðin falli með manni. Hann var bara ágætur, þessi dómari.“ Fylkismenn hefur vantað stöðugleika í deildinni í sumar að mati Jóhannesar Karls og því hafi úrslit kvöldsins verið vonbrigði. „Við vitum að við getum spilað fínan fótbolta og getum varist vel. Við ætlum að vinna í þessum málum út tímabilið og vonandi getum við lagað það sem þarf að laga.“Reynir: Aukaspyrnan ódýr Reynir Leósson, aðstoðarþjálfari Fylkis, sat fyrir svörum blaðamanna eftir leik í kvöld enda fékk þjálfarinn Hermann Hreiðarsson að líta rauða spjaldið í fyrri hálfleik er Fylkir tapaði fyrir Val, 4-2. „Við ætluðum að nálgast Valsmennina í kvöld en fengum á okkur fjögur mörk og töpuðum leiknum. Það er auðvitað allt of mikið og afar svekkjandi,“ sagði Reynir. „Ég gef þó mönnum hrós fyrir að halda áfram að sækja á þá og reyna að jafna þennan leik. Við skorum tvö mörk en það var ekki nóg.“ Aukaspyrnumark Patrick Pedersen í upphafi leiks breytti miklu fyrir gang leiksins að mati Reynis. „Mér fannst þetta vera ansi ódýr aukaspyrna sem þeir fengu. Maður situr reyndar ansi langt frá hér á Laugardalsvellinum og maður leyfir því dómaranum að njóta vafans eins og er.“ „Patrick Pedersen skorar svo með góðu skoti en ég veit ekki hvort að markvörðurinn okkar hefði getað gert betur.“ Fylkismenn fengu svo annað mark á sig úr vítaspyrnu aðeins mínútu eftir að hafa sjálfir beðið um vítaspyrnu hinum megin á vellinum. „Ég held að við getum ekki kennt dómaranum um en auðvitað voru þetta stór atvik. Við vildum fá víti þegar það var keyrt aftan í króatíska miðvörðinn okkar en tek það þó fram að ég tel að vítið sem við fengum á okkur hafi verið réttur dómur.“ „Stundum fellur þetta með manni og stundum ekki. En við héldum þó áfram og reyndum eins og við gátum.“ Kolbeinn Finnsson spilaði allan leikinn fyrir Fylki í dag en hann er fæddur árið 1999. „Hann er þroskaður strákur, bæði líkamlega og andlega. Hann byrjaði mjög vel í leiknum en átti erfitt uppdráttar þegar leið á leikinn eins og aðrir í liðinu, enda slitnaði það nokkuð í sundur. En mér fannst hann komast afar vel frá þessu.“Pedersen: Reifst við Einar Karl um aukaspyrnuna Patrick Pedersen átti stórleik fyrir Val gegn Fylki í kvöld - skoraði tvö og lagði upp eitt í 4-2 sigri. „Ég var ekki með síðast þar sem ég fann nokkuð fyrir fætinum þá. En ég fékk þrjá daga í hvíld og fann ekki fyrir verkjum í dag,“ sagði hann. „En svo fékk ég högg á hina löppina eftir um fimmtán mínútur þannig að þetta verður bara ekkert betra,“ sagði hann í léttum dúr. Patrick vonast til að vera með Val í síðustu fimm leikjum tímabilsins. „Við verðum bara að sjá til. Ég stefni að því að minnsta kosti.“ Hann segir að sigurinn hafi aldrei verið í hættu gegn Fylki. Liðið hafi spilað vel, sérstaklega í fyrri hálfleik. Patrick skoraði glæsilegt mark beint úr aukaspyrnu í fyrri hálfleik og það gaf tóninn. „Ég var með sjálfstraustið í lagi og eftir að hafa rifist aðeins við Einar um hver ætti að taka þetta var ákveðið að ég myndi taka hana. Það fór vel,“ sagði hann og hló. Patrick vonast til þess að hafa sett pressu á liðin fyrir ofan Val í deildinni með sigrinum í kvöld. „Nú eru þrjú stig í KR sem spilar á morgun. Við sjáum bara til.“
Pepsi Max-deild karla Mest lesið Golfstjarnan stytti sér aldur Golf Katrín Tanja á skurðarborðið: Ég er svo stressuð Sport Gat ekki gengið fyrir nokkrum dögum en vann síðan sögulegt silfur á HM Sport Sjáðu lokasóknina ótrúlegu og senuþjófinn Kane í viðtali Óla Óla Körfubolti Sér ekki eftir ræðunni umdeildu þó móðir hans sé virtur eðlisfræðingur Sport „Gerist ekki grátlegra“ Handbolti Sveindís Jane mætti og studdi sína konu: Stolt af þér gullið mitt Fótbolti „Ég mæli ekki með þessu fyrir neinn mann“ Körfubolti Úlfarnir ráða ekkert við Luka og Kyrie Körfubolti Uppgjör: Grindavík-Valur 80-78 | Oddaleikur niðurstaðan þökk sé ótrúlegasta endi síðari ára Körfubolti Fleiri fréttir Uppgjör og viðtöl: Fram-Breiðablik 1-4 | Þriðji sigur Blika í röð Mörkin úr stórleiknum á Kópavogsvelli og öll hin „Þegar við fengum sénsana þá tókum við þá“ „Svona eru íþróttir“ „Frammistaðan til fyrirmyndar í dag“ Uppgjör, viðtöl og myndir: Stjarnan-KA 5-0 | Einstefna í Garðabæ Uppgjör: Valur-FH 2-2 | Hvorugt liðið fór sátt af velli á Hlíðarenda „Eins og að fara í ristilskoðun og svo beint til tannlæknis að láta rífa úr sér endajaxla“ „Manni líður eins og þetta hafi verið tap“ Uppgjör: ÍA-Víkingur 0-1 | Vítaspyrna tryggði meisturunum stigin þrjú Uppgjör: KR-Vestri 2-2 | Vesturbæingar geta ekki unnið á Meistaravöllum „Þurfum að virða það að þú þarft að hafa fyrir hlutunum“ „Ekkert smá sætt“ Uppgjörið og viðtöl: Keflavík - Þróttur R. 1-0 | Fyrsti sigur Keflvíkinga Neyddust til að fresta útaf rosalegu roki Uppgjörið og viðtöl: FH - Víkingur 2-2 | Dramatískt jafntefli í Kaplakrika Breiðablik tók fram úr Val í launagreiðslum til leikmanna Víkingar greiddu langmest í sektir vegna agamála Uppgjörið: Þór/KA - Tindastóll 5-0 | Þór/KA í stuði í Boganum Uppgjörið, viðtöl og myndir: Breiðablik-Valur 2-1 | Endurkomusigur hjá Blikum Uppgjör og viðtöl: Stjarnan-Fylkir 2-1 | Stjörnukonur að komast í gang Blikar högnuðust um 105 milljónir króna „Margir hlutir sem spila inn í en fyrst og fremst þessi hefð og menning“ „Ekkert skemmtilegra en að vinna Val“ Allir á eitt við erfiðar aðstæður: „Þetta tók alveg á“ KA-menn kölluðu eftir hjálp sálfræðings Fjölnismenn á toppinn í Lengjunni Starfsmaður Fylkis dæmdur í tveggja leikja bann „Menn eru gríðarlega súrir“ Uppgjörið, viðtöl og myndir: Breiðablik - Stjarnan 2-1 | Blikar minnkuðu forskot Víkinga Sjá meira
Uppgjör: Grindavík-Valur 80-78 | Oddaleikur niðurstaðan þökk sé ótrúlegasta endi síðari ára Körfubolti
Uppgjör: Grindavík-Valur 80-78 | Oddaleikur niðurstaðan þökk sé ótrúlegasta endi síðari ára Körfubolti