Enski boltinn

Einn besti leikmaður frönsku deildarinnar til West Ham

Ingvi Þór Sæmundsson skrifar
Payet styrkir lið West Ham gríðarlega.
Payet styrkir lið West Ham gríðarlega. vísir/getty
West Ham United hefur gengið frá kaupunum á franska miðjumanninum Dimitri Payet frá Marseille.

Payet, sem er 28 ára, skrifaði undir fimm ára samning með möguleika á ársframlengingu. Kaupverðið hefur ekki verið gefið upp.

Payet spilaði frábærlega með Marseille á síðasta tímabili en hann gaf flestar stoðsendingar í frönsku úrvalsdeildinni, eða 17 talsins. Payet skoraði einnig sjö mörk í vetur.

Payet, sem hefur leikið 14 landsleiki fyrir Frakkland, er þriðji leikmaðurinn sem West Ham fær í sumar, á eftir miðjumanninum Pedro Obiang og markverðinum Darren Randolph.

Slaven Bilic tók við þjálfun West Ham af Sam Allardyce eftir síðasta tímabil en ljóst er að Hamrarnir ætla sér stóra hluti á næsta tímabili.

Enski boltinn

Tengdar fréttir

Mest lesið


Fleiri fréttir

Sjá meira


×

Mest lesið