Bresku þingkosningarnar í maí: „Ómögulegt að spá fyrir um hverjir mynda næstu ríkisstjórn“ Atli Ísleifsson skrifar 26. febrúar 2015 12:26 Baldur Þórhallsson segir harða kosningabaráttu vera framundan í Brelandi. Vísir/AFP/Getty „Samkvæmt skoðanakönnunum er ómögulegt að spá fyrir um hverjir mynda næstu ríkisstjórn á Bretlandi þar sem ómögulegt að sjá hvort Íhaldsflokkurinn eða Verkamannaflokkurinn verður stærri,“ segir Baldur Þórhallsson, prófessor í stjórnmálafræði við Háskóla Íslands, í samtali við Vísi. Þingkosningar fara fram í Bretlandi þann 7. maí næstkomandi. Baldur segir að Íhaldsflokkurinn hafi verið að vinna á síðustu vikurnar og standi nú jafnfætis Verkamannaflokknum sem hafi mælst stærri síðustu mánuði. „Íhaldsmenn hafa því verið að styrkja stöðu sína. Það er þó ómögulegt að átta sig á hvor flokkurinn verður stærri.“Skoski þjóðarflokkurinn í mikilli sóknBaldur segir Skoski þjóðarflokkurinn mikið hafa verið að sækja í sig veðrið síðustu mánuði. „Samkvæmt skoðanakönnunum er hann að fá nær öll þingsæti í Skotlandi. Hvort þetta verður raunin er ómögulegt að spá fyrir um á þessu stigi, en þetta yrði mjög óvenjuleg niðurstaða ef hún yrði að veruleika. Ef niðurstöður kosninganna verða eitthvað á þá leið mun það veikja Verkamannaflokkinn verulega og gera það að verkum að Skoski þjóðarflokkurinn muni standa mjög sterkur að vígi í Westminster að kosningum loknum. Það er þó ólíklegt að Skoski þjóðarflokkurinn myndi formlega stjórn með öðrum hvorum stóru flokkanna. Það er líklegra að hann geti veitt minnihlutastjórn annars flokksins stuðning, og er þá líklegra að það verði Verkamannaflokkurinn.“Talsvert fylgi UKIP sem skilar þó fáum þingsætumBaldur segir að fylgi Breska sjálfstæðisflokksins – UKIP – sé orðið nokkuð stöðugt og mælist ítrekað milli 15 og 20 prósent. „Það er hins vegar ekki að að skila flokknum mörgum þingsætum. Í Bretlandi er kosið til þings samkvæmt einmenningskjördæmum. Það er einfaldlega þannig að sá flokkur sem fær flest atkvæði í hverju kjördæmi fyrir sig, hann fær þingsæti kjördæmisins. Það getur því gerst að flokkur sem er til dæmis bara með 30 prósent atkvæða í kjördæminu - en er jafnframt stærsti flokkurinn - fái þingsætið. Þannig er UKIP ekki að ná mörgum þingsætum, nema í örfáum kjördæmum í landinu. Þó að honum sé spáð 15 til 20 prósent fylgi þá er því spáð að hann fái bara um fjögur þingsæti eða svo. Flokkurinn er þó enn mikill óvissuþáttur.“Slæm útkoma annars ríkisstjórnarflokksinsAð sögn Baldur sjá Bretar fram á slæma útkomu Frjálslynda flokksins sem nú myndar samsteypustjórn með Íhaldsflokknum. „Frjálslyndir gætu misst um helming þingsæta sinna. Margir kjósendur eru mjög óánægðir með það hlutskipti sem flokkurinn hefur haft í ríkisstjórninni. Íhaldsflokkurinn hefur ráðið þar ferðinni og Frjálslyndir þurft að gefa eftir. Flokkurinn mun líklegast ekki koma vel út úr næstu kosningum. Þá hefur flokkur græningja verið að fá einhvern stuðning, en líkt og með UKIP þá er ólíklegt að það skili sér í mörgum þingsætum.“Sex flokkar sem berjast um hitunaBaldur segir það því fyrst og fremst vera þessir sex flokkar sem munu að berjast um hituna – Íhaldsflokkurinn, Verkamannaflokkurinn, Frjálslyndi flokkurinn, Skoski þjóðarflokkurinn, Breski sjálfstæðisflokkurinn og Græningjar. „Á Norður-Írlandi eru þó einnig flokkar sem skiptast bæði eftir trúarlegum línum og svo vinstri-hægri ásnum. Þeir geta líka komið inn í þetta. Að öllu þessu sögðu er ólíklegt að annar stóru flokkanna hljóti meirihluta þingsæta. Verði það niðurstaðan mun það krefjast að þeir myndi saman samsteypustjórn eða þá minnihlutastjórn sem sé studd af einhverjum þessara minni flokka. Þá lítur maður helst til þess að Verkamannaflokkurinn myndi minnihlutastjórn með stuðningi Skoska þjóðarflokksins og jafnvel flokka á Norður-Írlandi eða Frjálsum demókrötum.“Helstu kosningamálinBaldur segir kosningabaráttuna hafa byrjað mun fyrr en vanalega. „Hún byrjaði strax í fyrstu viku ársins og af fullum krafti. Íhaldsflokkurinn leggur mesta áherslu á efnahagsmálin og að honum sé best treystandi til að stýra þeim. Kannanir sýna að kjósendur treysta Íhaldsflokknum frekar en Verkamannaflokknum fyrir þeim. Verkamannaflokkurinn leggur hins vegar áherslu á að breska heilbrigðiskerfið verði styrkt og bætt. Það hefur verið mikil umræða um veikleika þess og vankanta og Verkamannaflokkurinn vill verja mun meira fé til að bæta heilbrigðiskerfið og skipuleggja það betur. Kannanir sýna að kjósendur treysta Verkamannaflokknum best fyrir heilbrigðismálunum. Síðan er Breski sjálfstæðisflokkurinn að leggja áherslu á að takmarka straum innflytjenda til landsins. Þessi þrjú mál hafa verið mest áberandi, en hvaða mál nær yfirhöndinni í kosningabaráttunni er ómögulegt að segja til um. En þessir þrír flokkar eru að reyna að gera þessi mál að helsta kosningamálinu.“Hvað með leiðtoga stærstu flokkanna? Þykir staða David Cameron forsætisráðherra sterk?„Hún þykir kannski ekki sterk en hann hefur verið að styrkja sig í umræðunni. Ed Miliband, leiðtogi Verkamannaflokksins, virðist hins vegar ekki vera sérlega sterkur. Þetta er í raun ákveðið áfall fyrir Verkamannaflokkinn að vera ekki í sterkari stöðu með þessa óvinsælu ríkisstjórn við völd. Það skrifast svolítið á veikleika Miliband. Hann kemur ekki fyrir sem mjög sterkur leiðtogi. Það eru margir Bretar sem sjá hann ekki fyrir sér sem týpuna í að verða forsætisráðherra og það kemur niður á flokknum.“ Mest lesið „Í fangelsi eins og á Litla-Hrauni gerist allt“ Innlent „Þetta breytti mér mjög mikið sem persónu“ Innlent Viðurkennir að hafa gengið of hart fram Innlent Eldinum í bílnum fylgdi heljarinnar sprenging Innlent Endurnýja spá um lok umbrota við Grindavík Innlent Búast má við slyddu Veður Ný sýn fékk meirihluta Innlent Sú sem var oftast nefnd ekki ein af fjórum efstu í könnunum Innlent Forsetavaktin 2024: Hver verður sjöundi forseti lýðveldisins? Innlent Ísraelsmenn vísa fréttamönnum á dyr Erlent Fleiri fréttir Ísrael samþykkir ekki vopnahlé Ísraelsmenn vísa fréttamönnum á dyr Íhaldsflokkurinn laut í lægra haldi í sveitarstjórnarkosningum Tuga enn saknað og 55 látnir Verður borgarstjóri Lundúna þriðja kjörtímabilið í röð Auka viðbúnað í aðdraganda Eurovision Forseti Argentínu skýtur föstum skotum á spænsku ríkisstjórnina Berlínarborg vill losna við glæsivillu Göbbels Flugvél Atlanta á tæpasta vaði í Ríad Varaforsetaefni í bobba vegna hundsdráps og meints fundar með Kim Kreml fordæmir ummæli Macrons og Camerons Reyna að sækja fyrsta sýnið frá fjærhlið tunglsins Hlustuðu á Trump og Cohen tala um þagnargreiðslu Danir rýmka reglur um þungunarrof Þrjátíu látnir og tuga saknað eftir flóð í Brasilíu Segja frumvarp um gyðingaandúð í andstöðu við Biblíuna Tyrkir stöðva öll viðskipti við Ísrael „Mun ekki halla mér aftur og leyfa deyjandi sjónvarpsstöð að ráðast á mig“ Segir fólk eiga rétt til mótmæla en ekki til óreiðu Umfangsmikil mótmæli vegna „rússneskra“ laga í Georgíu Enn í basli með skemmdir á hitaskildi Orion Vornanen kastað úr þingflokknum Hafa engin varnarvirki til að hörfa í Yfirstandandi kosningar á Englandi prófsteinn fyrir Íhaldsflokkinn Viðbrögð Hamas við vopnahléstillögunum „neikvæð“ Hundruð lögreglumanna í viðbragðsstöðu vegna mótmæla í UCLA Vilja endurupptöku í máli Weinstein Þrjú hundruð handtekin í Columbia-háskóla Stuðningur við dönsku ríkisstjórnina aldrei verið minni Mótmælendur og gagnmótmælendur tókust á Sjá meira
„Samkvæmt skoðanakönnunum er ómögulegt að spá fyrir um hverjir mynda næstu ríkisstjórn á Bretlandi þar sem ómögulegt að sjá hvort Íhaldsflokkurinn eða Verkamannaflokkurinn verður stærri,“ segir Baldur Þórhallsson, prófessor í stjórnmálafræði við Háskóla Íslands, í samtali við Vísi. Þingkosningar fara fram í Bretlandi þann 7. maí næstkomandi. Baldur segir að Íhaldsflokkurinn hafi verið að vinna á síðustu vikurnar og standi nú jafnfætis Verkamannaflokknum sem hafi mælst stærri síðustu mánuði. „Íhaldsmenn hafa því verið að styrkja stöðu sína. Það er þó ómögulegt að átta sig á hvor flokkurinn verður stærri.“Skoski þjóðarflokkurinn í mikilli sóknBaldur segir Skoski þjóðarflokkurinn mikið hafa verið að sækja í sig veðrið síðustu mánuði. „Samkvæmt skoðanakönnunum er hann að fá nær öll þingsæti í Skotlandi. Hvort þetta verður raunin er ómögulegt að spá fyrir um á þessu stigi, en þetta yrði mjög óvenjuleg niðurstaða ef hún yrði að veruleika. Ef niðurstöður kosninganna verða eitthvað á þá leið mun það veikja Verkamannaflokkinn verulega og gera það að verkum að Skoski þjóðarflokkurinn muni standa mjög sterkur að vígi í Westminster að kosningum loknum. Það er þó ólíklegt að Skoski þjóðarflokkurinn myndi formlega stjórn með öðrum hvorum stóru flokkanna. Það er líklegra að hann geti veitt minnihlutastjórn annars flokksins stuðning, og er þá líklegra að það verði Verkamannaflokkurinn.“Talsvert fylgi UKIP sem skilar þó fáum þingsætumBaldur segir að fylgi Breska sjálfstæðisflokksins – UKIP – sé orðið nokkuð stöðugt og mælist ítrekað milli 15 og 20 prósent. „Það er hins vegar ekki að að skila flokknum mörgum þingsætum. Í Bretlandi er kosið til þings samkvæmt einmenningskjördæmum. Það er einfaldlega þannig að sá flokkur sem fær flest atkvæði í hverju kjördæmi fyrir sig, hann fær þingsæti kjördæmisins. Það getur því gerst að flokkur sem er til dæmis bara með 30 prósent atkvæða í kjördæminu - en er jafnframt stærsti flokkurinn - fái þingsætið. Þannig er UKIP ekki að ná mörgum þingsætum, nema í örfáum kjördæmum í landinu. Þó að honum sé spáð 15 til 20 prósent fylgi þá er því spáð að hann fái bara um fjögur þingsæti eða svo. Flokkurinn er þó enn mikill óvissuþáttur.“Slæm útkoma annars ríkisstjórnarflokksinsAð sögn Baldur sjá Bretar fram á slæma útkomu Frjálslynda flokksins sem nú myndar samsteypustjórn með Íhaldsflokknum. „Frjálslyndir gætu misst um helming þingsæta sinna. Margir kjósendur eru mjög óánægðir með það hlutskipti sem flokkurinn hefur haft í ríkisstjórninni. Íhaldsflokkurinn hefur ráðið þar ferðinni og Frjálslyndir þurft að gefa eftir. Flokkurinn mun líklegast ekki koma vel út úr næstu kosningum. Þá hefur flokkur græningja verið að fá einhvern stuðning, en líkt og með UKIP þá er ólíklegt að það skili sér í mörgum þingsætum.“Sex flokkar sem berjast um hitunaBaldur segir það því fyrst og fremst vera þessir sex flokkar sem munu að berjast um hituna – Íhaldsflokkurinn, Verkamannaflokkurinn, Frjálslyndi flokkurinn, Skoski þjóðarflokkurinn, Breski sjálfstæðisflokkurinn og Græningjar. „Á Norður-Írlandi eru þó einnig flokkar sem skiptast bæði eftir trúarlegum línum og svo vinstri-hægri ásnum. Þeir geta líka komið inn í þetta. Að öllu þessu sögðu er ólíklegt að annar stóru flokkanna hljóti meirihluta þingsæta. Verði það niðurstaðan mun það krefjast að þeir myndi saman samsteypustjórn eða þá minnihlutastjórn sem sé studd af einhverjum þessara minni flokka. Þá lítur maður helst til þess að Verkamannaflokkurinn myndi minnihlutastjórn með stuðningi Skoska þjóðarflokksins og jafnvel flokka á Norður-Írlandi eða Frjálsum demókrötum.“Helstu kosningamálinBaldur segir kosningabaráttuna hafa byrjað mun fyrr en vanalega. „Hún byrjaði strax í fyrstu viku ársins og af fullum krafti. Íhaldsflokkurinn leggur mesta áherslu á efnahagsmálin og að honum sé best treystandi til að stýra þeim. Kannanir sýna að kjósendur treysta Íhaldsflokknum frekar en Verkamannaflokknum fyrir þeim. Verkamannaflokkurinn leggur hins vegar áherslu á að breska heilbrigðiskerfið verði styrkt og bætt. Það hefur verið mikil umræða um veikleika þess og vankanta og Verkamannaflokkurinn vill verja mun meira fé til að bæta heilbrigðiskerfið og skipuleggja það betur. Kannanir sýna að kjósendur treysta Verkamannaflokknum best fyrir heilbrigðismálunum. Síðan er Breski sjálfstæðisflokkurinn að leggja áherslu á að takmarka straum innflytjenda til landsins. Þessi þrjú mál hafa verið mest áberandi, en hvaða mál nær yfirhöndinni í kosningabaráttunni er ómögulegt að segja til um. En þessir þrír flokkar eru að reyna að gera þessi mál að helsta kosningamálinu.“Hvað með leiðtoga stærstu flokkanna? Þykir staða David Cameron forsætisráðherra sterk?„Hún þykir kannski ekki sterk en hann hefur verið að styrkja sig í umræðunni. Ed Miliband, leiðtogi Verkamannaflokksins, virðist hins vegar ekki vera sérlega sterkur. Þetta er í raun ákveðið áfall fyrir Verkamannaflokkinn að vera ekki í sterkari stöðu með þessa óvinsælu ríkisstjórn við völd. Það skrifast svolítið á veikleika Miliband. Hann kemur ekki fyrir sem mjög sterkur leiðtogi. Það eru margir Bretar sem sjá hann ekki fyrir sér sem týpuna í að verða forsætisráðherra og það kemur niður á flokknum.“
Mest lesið „Í fangelsi eins og á Litla-Hrauni gerist allt“ Innlent „Þetta breytti mér mjög mikið sem persónu“ Innlent Viðurkennir að hafa gengið of hart fram Innlent Eldinum í bílnum fylgdi heljarinnar sprenging Innlent Endurnýja spá um lok umbrota við Grindavík Innlent Búast má við slyddu Veður Ný sýn fékk meirihluta Innlent Sú sem var oftast nefnd ekki ein af fjórum efstu í könnunum Innlent Forsetavaktin 2024: Hver verður sjöundi forseti lýðveldisins? Innlent Ísraelsmenn vísa fréttamönnum á dyr Erlent Fleiri fréttir Ísrael samþykkir ekki vopnahlé Ísraelsmenn vísa fréttamönnum á dyr Íhaldsflokkurinn laut í lægra haldi í sveitarstjórnarkosningum Tuga enn saknað og 55 látnir Verður borgarstjóri Lundúna þriðja kjörtímabilið í röð Auka viðbúnað í aðdraganda Eurovision Forseti Argentínu skýtur föstum skotum á spænsku ríkisstjórnina Berlínarborg vill losna við glæsivillu Göbbels Flugvél Atlanta á tæpasta vaði í Ríad Varaforsetaefni í bobba vegna hundsdráps og meints fundar með Kim Kreml fordæmir ummæli Macrons og Camerons Reyna að sækja fyrsta sýnið frá fjærhlið tunglsins Hlustuðu á Trump og Cohen tala um þagnargreiðslu Danir rýmka reglur um þungunarrof Þrjátíu látnir og tuga saknað eftir flóð í Brasilíu Segja frumvarp um gyðingaandúð í andstöðu við Biblíuna Tyrkir stöðva öll viðskipti við Ísrael „Mun ekki halla mér aftur og leyfa deyjandi sjónvarpsstöð að ráðast á mig“ Segir fólk eiga rétt til mótmæla en ekki til óreiðu Umfangsmikil mótmæli vegna „rússneskra“ laga í Georgíu Enn í basli með skemmdir á hitaskildi Orion Vornanen kastað úr þingflokknum Hafa engin varnarvirki til að hörfa í Yfirstandandi kosningar á Englandi prófsteinn fyrir Íhaldsflokkinn Viðbrögð Hamas við vopnahléstillögunum „neikvæð“ Hundruð lögreglumanna í viðbragðsstöðu vegna mótmæla í UCLA Vilja endurupptöku í máli Weinstein Þrjú hundruð handtekin í Columbia-háskóla Stuðningur við dönsku ríkisstjórnina aldrei verið minni Mótmælendur og gagnmótmælendur tókust á Sjá meira