Chelsea fær Cuadrado en missir tvo

Síðasti dagur félagaskiptagluggans er runninn upp og einhverjir knattspyrnumenn munu hafa vistaskipti í dag.

Chelsea er við það að ganga frá kaupum á kólumbíska landsliðsmanninum Juan Cuadrado frá Fiorentina. Kaupverðið er sagt vera 26 milljónir punda.

Mohamad Salah mun fara til Fiorentina að láni í sama pakka. Cuadrado er í London tilbúinn að fara í læknisskoðun.

Andre Schurrle er sagður vera einnig á förum frá Chelsea en Chelsea er búið að ná samkomulagi við Wolfsburg.

Schurrle kom til félagsins frá Bayer Leverkusen árið 2013 og hefur skorað fimm mörk í 22 leikjum í deildinni í vetur.