Lífið

Salka Sól „leiðinlega hæfileikarík gella“

Kolbeinn Tumi Daðason skrifar
„Fæðingin gekk mjög illa og hún var á milli heims og helju. Var á vökudeild Landspítalans í einhverjar þrjár vikur,“ segir Hjálmar Hjálmarsson faðir Sölku.
„Fæðingin gekk mjög illa og hún var á milli heims og helju. Var á vökudeild Landspítalans í einhverjar þrjár vikur,“ segir Hjálmar Hjálmarsson faðir Sölku. Vísir
Salka Sól Eyfeld syngur með einni vinsælustu hljómsveit landsins og hefur vakið athygli fyrir vaska framgöngu bæði í útvarpi og sjónvarpi. Hún getur orðið morgunfúl, hangir of mikið í snjallsímanum og mætti hringja oftar í pabba sinn. Ísland í dag tók saman nærmynd af söngkonunni snjöllu.

„Þetta er svona talentklessa og erfitt að vera hliðina á henni,“ segir Þórður Helgi Þórðarson, Doddi litli, sem starfað hefur með Sölku Sól á Rás 2. Hann segir Sölku vera bærilega kærulausa, hressa týpu og með fáránlega hæfileika.

„Og hún er ekki enn farin að gera það sem hún er best í. Hún er að fara að gera það á næstunni. Þetta sem hún er að rúlla upp núna er allt on the side.“

Lenti í erfiðleikum sem unglingur

Salka Sól er á 27. aldursári, stúdent úr FB og stundaði svo leiklistar- og tónlistarnám í London. Hún flutti aftur til Íslands í fyrra og hefur svo sannarlega slegið í gegn.

„Fæðingin gekk mjög illa og hún var á milli heims og helju. Var á vökudeild Landspítalans í einhverjar þrjár vikur,“ segir Hjálmar Hjálmarsson faðir Sölku.

Hann segist hafa orðið vör við tónlistaráhuga hennar mjög snemma og hún sé ótrúlega músíkölsk.

„Hún lenti í erfiðleikum þegar hún var unglingur í grunnskóla. Fór svolítið inn í sig en var alltaf í tónlistinni.“

Getur orðið morgunfúl

Salka Sól æfði fótbolta með Breiðabliki auk þess að læra bæði á trompet og píanó. Hún var valin bæjarlistamaður Kópavogs fyrir árið 2014 og sönkona ársins á Íslensku tónlistarverðlaununm. Salka Sól syngur bæði með AmabAdamA og Reykjavíkurdætrum.

„Hún getur orðið morgunfúl og þá er best að leyfa henni aðeins að vera,“ segir kærastinn Albert Halldórsson. Hann lýsir ennfremur augnablikinu þegar hann sá sína heittelskuðu fyrst. Hann þorði þó ekki að spjalla við hana fyrr en nokkru síðar á Kaffibarnum.






Fleiri fréttir

Sjá meira


×