Kiefer Sutherland hand­tekinn grunaður um líkams­á­rás

Lögreglu barst tilkynning um að maður hefði sest inn í svokallaðan deilibíl, ráðist á bílstjórann og haft í hótunum við hann. Árásarmaðurinn reyndist leikarinn, sem er 59 ára gamall. 

Bílstjórinn var ekki alvarlega slasaður eftir atvikið og þurfti ekki að leita aðstoðar á sjúkrahúsi, samkvæmt lögreglu. Sutherland var sleppt eftir að hafa lagt fram 50 þúsund dala tryggingu en þarf að mæta fyrir dómara 2. febrúar næstkomandi.

Sutherland, sem er sonur stórleikarans Donald Sutherland, hefur ítrekað komist í kast við lögin í gegnum tíðina. Hann var meðal annars handtekinn fyrir umferðarlagabrot árið 2020, líkamsárás árið 2009 og dæmdur í 48 daga fangelsi árið 2007 fyrir að aka undir áhrifum áfengis og brjóta þannig skilorð.