Lagafrumvarp um frestun verkfalls flugmanna lögð fram á næturfundi: Mikill hitafundur

Hanna Birna Kristjánsdóttir, samgönguráðherra, lagði fram á Alþingi nú í kvöld, frumvarp til laga þess efnis að stöðva verkfallsaðgerðir Félags íslenskra atvinnuflugmanna gegn Icelandair. Þurfti að greiða atkvæði vegna ýmissa afbrigða frá þingsköpum í upphafi þingfundar, sem hófst kl 22:30.

Verkfallsaðgerðir flugmanna hafa kostað ríkissjóð og íslensk fyrirtæki stórfé að mati Hönnu Birnu Kristjánsdóttur. Báðir aðilar hafa fengið tíma til að leysa deiluna sín á milli en þegar ljóst var fyrr í dag að samningaviðræður sigldi í strand og komnar í hnút var það mat samgönguráðherr að eina leiðin til að höggva á hnútinn væri með lagasetningu.

Hanna Birna talaði í framsöguræðu sinni að farsællegasta leiðin hefði verið sú að deiluaðilar hefðu axlað þá ábyrgð og tryggt að samningar kæmust á. Lagasetning sem þessi væri algjört neyðarrúrræði og þungt skref hvers ráðherra að fjalla um frumvarp sem tekur á svona verkefnum.

Þingforseti hótaði frestun fundar vegna frammíkalla

Árni Páll Árnason sagði í þingræðu sinni af þessu tilefni að sökin væri alfarði ríkisvaldsins. Lögin um frestun verkfallsaðgerða skrifuðust alfarið á reikning stjórnvalda. Að mati Árna Páls Árnasonar væri samtalið milli ríkisvaldsins og aðila vinnumarkaðarins í lágmarki. Jón Gunnarsson þingmaður Sjálfstæðisflokksins og Árni Páll áttu í nokkru orðaskaki og ítrekað kallaði Jón Gunnarsson frammí þingræðu Árna Páls. Svo mikill var hitinn að þurfti þingforseti að hóta að slíta fundi ef ekki væri hægt að fá hljóð í þingsal. 

Í athugasemd við frumvarpið er útskýrt hvaða aðstæður þurfi að hafa til að hægt sé að takmarka verkfallsrétt launþega. Í frumvarpinu stendur: „Þannig er einungis heimilt að takmarka réttinn með lögum ef nauðsyn ber til í lýðræðislegu þjóðfélagi vegna þjóðaröryggis eða almannaheilla, til þess að firra glundroða eða glæpum og til verndar heilsu eða siðgæði manna eða réttindum og frelsi.“ Hönnu Birnu Kristjánsdóttur, ráðherra samgöngumála er því á þeirri skoðun að eitthvað af þessu eigi við í tilviki þessa verkfalls. 

Frumvarpið fer eftir umræður í þinginu nú í kvöld, til umhverfis- og samgöngunefndar til skoðunar og bíður annarar umræðu í þingi, sem verður líklega á morgun, fimmtudag.

Hér má lesa frumvarp ráðherra samgöngumála um frestun verkfallsaðgerða