Meirihluti grunnskólakennara segir já við vinnustöðvun

Meirihluti þeirra grunnskólakennara greiddu atkvæði með vinnustöðvun. Hún myndi fara fram dagana 15., 21. og 27. maí næstkomandi.

Á kjörskrá voru 4294 grunnskólakennarar og 2981 þeirra greiddu atkvæði. Já við vinnustöðvun sögðu 2433 þeirra eða um 81,6 prósent. Nei sögðu 459 eða 15,4 prósent.

Grunnskólakennarar fengu senda tilkynningu nú rétt í þessu frá Ólafi Loftssyni, formanni Félags grunnskólakennara. Þar segir að kennarar fái sendar nánari upplýsingar varðandi hugsanlega vinnustöðvun. Þá verði þeim spurningum svarað sem félagið hefur fengið sendar frá kennurum að undanförnu.

„Við vonum innilega að ekki þurfi að koma til vinnustöðvunar,“ segir í tilkynningunni. „Krafa okkar og samningsmarkið eru einföld, skýr og sanngjörn.“

„Við viljum sömu laun og aðrar stéttir með sambærilega menntun og ábyrgð.“