Skoða regluverk til að stemma stigu við tjóni af myglusveppi

Starfshópur sem endurskoða á lög og reglur með tilliti til myglusvepps og þess tjóns sem hann getur valdið hefur verið skipaður af Sigurði Inga Jóhannssyni, umhverfis- og auðlindaráðherra.



„Hlutverk starfshópsins er meðal annars að skoða lög og reglugerðir á sviði byggingarmála og þær kröfur sem þar eru gerðar til byggingarvara og við mannvirkjagerð. Þá á hópurinn að fara yfir eftirlit stjórnvalda og leiðbeiningar og fræðslu til fagaðila í ljósi þess vanda sem myglusveppur í húsnæði getur valdið,“ segir í tilkynningu frá umhverfisráðuneytinu.