Innlent

Algjör sprenging hjá bogfimifólki

Garðar Örn Úlfarsson skrifar
Skráðum iðkendumí bogfimi fjölgaði 25 falt í fyrra.
Skráðum iðkendumí bogfimi fjölgaði 25 falt í fyrra. Fréttablaðið/Anton

„Má segja að sprenging hafi orðið nú á síðasta ári, bæði hvað varðar iðkendur og keppnir,“ segir í erindi Bogfimisetursins þar sem óskað er eftir lóð í Hafnarfirði og samstarfi við bæjaryfirvöld um bogfimiiðkun.

Fram kemur að Bogfimisetrið sé þegar með svæði í Kópavogi og á Akureyri. „Ef áætlanir ganga eftir kemur stöðunum til með að fjölga mjög hratt á næstu tólf til átján mánuðum til að svara þeirri gríðarlegu eftirspurn sem hefur myndast,“ segir í erindi félagsins þar sem sérstaklega er vísað til áhuga á Víkingaþorpinu í Hafnarfirði. Víkingafélagið Rimmugýgur sjái mikil tækifæri í bogfiminni.

„Völlurinn sem yrði opinn allt árið myndi hýsa allar útiæfingar og tegundir keppna í bogfimigreinum sem og myndi að öllum líkindum ýta undir víkingaímynd bæjarins,“ segir Bogfimisetrið.

Bæjarráð samþykkti að láta skoða möguleika á lóð fyrir bogmennina og fá fram afstöðu íþrótta- og tómstundanefndar til málsins.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.