„Þetta er frábært. Fyrsta landsliðsmarkið og æðislegt að ná sigri á móti þeim í 100. leiknum hennar Þóru,“ sagði MistEdvardsdóttir, landsliðskona í knattspyrnu, eftir 2-1 sigurinn á Noregi á Algarve-mótinu í fótbolta í dag.
Mist skoraði fyrra mark Íslands snemma í seinni hálfleik en það var hennar fyrsta landsliðsmark í ellefta landsleiknum. Þóra B. Helgadóttir spilaði sinn 100. landsleik í dag.
„Ég var búin að horfa á Noreg spila á móti Kína og þær byrjuðu svipað. Það kom mér ekkert rosalega á óvart hvernig þær spiluðu.“
„Það voru allir á 150 prósent að keyra þær niður. Við fengum einhverjar tíu aukaspyrnur á okkur í fyrri hálfleik sem er bara fínt. Við vorum fastar fyrir og kláruðum þær,“ sagði Mist Edvardsdóttir.
Allt viðtalið sem Hilmar Þór Guðmundsson, starfsmaður KSÍ, tók á Algarve eftir leikinn í dag má sjá í spilaranum hér að ofan.
Mist: Vorum fastar fyrir og kláruðum þær
Tengdar fréttir
Harpa tryggði Íslandi sigur gegn Noregi á Algarve
Ísland vann silfurlið síðasta Evrópumóts, 2-1, á Algarve-mótinu í knattspyrnu í dag.
Þóra: Þurftum á þessum sigri að halda
Þóra B. Helgadóttir fagnaði sigri á Noregi á Algarve-mótinu í sínum 100. landsleik.
Þóra spilar 100. landsleikinn í dag
Freyr Alexandersson, landsliðsþjálfari kvenna, gerir miklar breytingar á byrjunarliði sínu fyrir leikinn gegn Noregi á Algarve í dag.
