Auglýst eftir 24 lögreglumönnum

Ríkislögreglustjóri hefur auglýst 24 stöður til umsóknar við embætti lögreglunnar á höfuðborgarsvæðinu. Um er að ræða þrjár stöður rannsóknarlögreglumanna og 21 stöðu lögreglumanna á vöktum.

Í auglýsingunum kemur fram að sett verði í stöðurnar frá 16. mars til reynslu í sex mánuði með skipun í huga að reynslutíma liðnum.

„Í ljósi ríkjandi kynjahlutfalls innan lögreglu og jafnréttisáætlunar lögreglunnar eru konur sérstaklega hvattar til að sækja um,“ segir í tilkynningunni.

Nánari upplýsingar má finna á Lögregluvefnum.