Albert alfarið kominn til Fylkis

Fylkir gekk í kvöld frá kaupum á sóknarmanninum Alberti Brynjari Ingasyni frá FH, stuttu eftir að hann kom til félagsins sem lánsmaður.

Mál Alberts eru nokkuð óvenjuleg en fyrr í mánuðinum kom í ljós að vegna mistaka var hann ekki skráður með gildan leikmannasamning.

Fylkir og FH komust að samkomulagi um að gera samninginn löglegan og lána Albert til síns uppeldisfélags í Árbænum en í kvöld var gengið frá kaupunum að fullu.

Fylkir og FH áttust við í kvöld og spilaði Albert Brynjar ekki með Fylki í leiknum. Var það hluti af ákvæðum lánssamningsins. FH-ingar höfðu betur í leiknum, 2-0, og tróna á toppi deildarinnar.