Veigar Páll: Stærsti leikurinn á ferlinum

Veigar Páll Gunnarsson telur að leikurinn gegn Internatzionale í undankeppni Evrópudeildarinnar í kvöld sé stærsti leikur hans á ferlinum.

„Þetta er stærsti leikurinn á mínum ferli, við erum búnir að vinna fyrir því sem litla félagsliðið í Garðabænum að fá að spila við Inter.“

Veigar Páll var í viðtali í Kvöldfréttum Stöðvar 2 í gær þar sem hann ræddi við Valtý Björn.

„Við vitum alveg heilmikið um þetta lið eftir að hafa farið yfir það en þetta er bara spurning um hvað við gerum sjálfir í þessum leik. Við verðum bara að einblína á okkar leik og að vera skipulagðir, hlaupa mikið og sjá hvað það gefur okkur.“

Veigar útilokaði ekki heimasigur á morgun.

„Eigum við ekki að segja að við eigum 25% líkur. Það er ágætt, þá vinnum við fjórða hvern leik,“ sagði Veigar léttur.