Þrefaldir Evrópumeistarar æfðu á Laugardalsvelli | Myndir

Stjarnan mætir þreföldum Evrópumeisturum Inter í fyrri leik liðanna í umspili um sæti í riðlakeppni Evrópudeildarinnar í fótbolta á Laugardalsvelli klukkan 21.00 í kvöld.

Ítalska stórliðið mætti til landsins um hádegisbilið í gær og æfði á Laugardalsvelli síðdegis. Þar voru mættir menn á borð við NemanjaVidic, fyrrverandi Englands- og Evrópumeistara með Manchester United.

Andri Marinó Karlsson, ljósmyndari Fréttablaðsins og Vísis, var í Laugardalnum í gærkvöldi og tók myndirnar sem sjá má hér að ofan og neðan.

Leikurinn hefst klukkan 21.00 og verður í beinni útsendingu á Stöð 2 Sport HD.