Nikki Benz, margverðlaunuð kanadísk klámstjarna, lýsti því yfir í síðustu viku að hún hefði áhuga á borgarstjórastólnum og sagði í samtali við blaðamenn vestanhafs að hún myndi eflaust standa sig betur en Ford sem er nú í meðferð til að vinna bug á vímuefnafíkn sinni.
Benz hefur sagt að hún muni vinna fullum fetum að því að lækka skatta á íbúa Toronto og reyna að koma á laggirnar blómlegum klámmyndaiðnaði í borginni. „Það myndi bjarga fjárhag Toronto,“ er haft eftir henni.
Benz, sem hefur leikið í 217 klámmyndum og birst margoft á síðum karlablaðana Penthouse og Hustler, vill einnig gera 7. maí – Alþjóðlega sjálfsfróunardaginn - að löggiltum frídegi í borginni.
Hin 32 ára Benz hefur ekki enn formlega lýst yfir framboði sínu en allar líkur eru taldar á því að hún láti slag standa. Yrði hún þá ein af 55 frambjóðendum sem sækjast eftir borgarstjórastólnum í Toronto í kosningunum þann 27. október næstkomandi. Aðrir í framboði eru meðal annars rokksöngvari, lögfræðingur, fyrrnefndur Rob Ford og trúður.
Klámstjarnan hefur þó strax vakið mikla athygli í aðdraganda yfirlýsingar hennar með slagorðum á borð við „Skiptu út Fordinum þínum fyrir Benz“ og léttklæddum myndum af sér á Twitter-síðu sinni.
#Benz4Mayor #BenZZ4Mayor #TOpoli pic.twitter.com/onJxkMXGfh
— Nikki Benz (@nikkibenz) June 1, 2014
