Hlé gert á viðræðum: Verkfall í grunnskólum landsins

Hlé var gert á samningafundi grunnskólakennara og viðsemjenda þeirra hjá Ríkissáttasemjara klukkan sex í morgun eftir 18 klukkustunda samningatörn.

Sólarhrings verkfall grunnskólakennara er því hafið þannig að 4,300 kennarar munu ekki mæta til vinnu í dag, og 43 þúsund nemendur fá ekki kennslu.

Samkvæmt heimildum fréttastofu  ríkti bjartsýni um lausn deilunnar upp úr miðnætti, en síðan steytti á einhverjum atriðum sem frétttastofu er ekki kunnugt um hver eru.

Viðræðum verður fram haldið klukkan þrjú í dag. Grunnskólakennarar hafa boðað til sólarhringsverkfalls aftur þann tuttugasta og fyrsta og svo aftur þann tuttugasta og sjöunda, ef ekki hefur samist fyrir þann tíma.