Strandveiðar stöðvaðar á svæði eitt

Strandveiðar voru stöðvaðar á svæði eitt um miðnætti, þar sem kvótinn í þessum mánuði er upp urinn. Svæðið nær frá Snæfellsnesi inn í Ísafjarðardjúp. Þar stunda langflestir bátar þessar veiðar, eða liðlega 200 af 430 standveiðibátum samanlagt.

Nú tekur við frí hjá sjómönnum til mánaðamóta, að næsta tímabil hefst. Verulega vantar upp á að kvótanum sé náð í hinum þremur veiðisvæðunum umhverfis landið og er það nokkuð í takt við reynslu undanfarinna ára af veiðunum í maí.