Mike Tyson og Robin Williams skiptu við sama dópsala

Boxarinn Mike Tyson sagði í viðtali við Howard Stern á útvarpsstöðinni SiriusXM Radio í dag að hann og grínleikarinn heitni, Robin Williams, hefðu keypt fíkniefni af sama fíkniefnasalanum.

Robin lést í ágúst síðastliðnum en hafði barist við áfengis- og vímuefnafíkn svo árum skipti. Hann fór í meðferð aðeins nokkrum vikum fyrir andlát sitt.

Mike sagði einnig við Howard að þeir Robin hefðu trúað hvor öðrum fyrir ýmsu og náð vel saman. 

Þá segir boxarinn að það hafi komið sér í opna skjöldu að svona virtur og elskaður grínleikari væri tengdur sama, vonda fólkinu og hann.

Viðtalið má hlusta á hér fyrir neðan.