Innlent

Virknin þokast áfram til norðurs

Atli Ísleifsson skrifar
Veðurstofa Íslands hefur ákveðið að litakóði fyrir flug verði áfram appelsínugulur.
Veðurstofa Íslands hefur ákveðið að litakóði fyrir flug verði áfram appelsínugulur. Vísir/Vilhelm
Skjálftavirkni er enn mjög mikil við Bárðarbungu og hafa rúmlega 500 skjálftar mælst frá miðnætti. Virknin þokast áfram til norðurs og er norðurendinn kominn 7 kílómetrum norður fyrir jökuljaðarinn.

Þetta kemur fram í tilkynningu frá Veðurstofunni en vísindaráð kom saman til fundar í morgun til að meta stöðuna.

„Klukkan 01:26 í nótt mældist skjálfti af stærðinni 5,7 í Bárðarbunguöskjunni, en síðan hafa ekki orðið stórir skjálftar þar. Berggangurinn undir Dyngjujökli er nú talinn vera hátt í 40 km langur.

Líkanreikningar byggðir á GPS mælingum benda til þess að rúmmálsaukningin síðasta sólarhringinn sé 50 milljónir rúmmetra.

Engar vísbendingar eru um að dragi úr ákafa atburðanna. Ekki er hægt að segja til um það á þessari stundu hvert framhaldið verður.

Þrír möguleikar eru enn taldir líklegastir:   

o   Að innflæði kviku stöðvist og skjálftahrinan fjari út og ekki komi til eldgoss.

o   Gangurinn nái til yfirborðs og eldgos hefjist. Líklegast er að það verði við norðurenda gangsins. Þá er líklegast að verði hraungos með nokkurri sprengivirkni.

o   Gangurinn nái til yfirborðs og eldgos hefjist en verulegur hluti eða öll sprungan verði undir Dyngjujökli. Gosið myndi leiða til jökulhlaups í Jökulsá á Fjöllum og e.t.v. einnig sprengigoss með öskufalli.“

Veðurstofa Íslands hefur ákveðið að litakóði fyrir flug verði áfram appelsínugulur.

Bárðarbunga

Tengdar fréttir

Right call to issue eruption alert

"Right now we're analyzing what was going on. As of now we don't know, but we'll keep analyzing and add it to the data pool," says Sigrún Karlsdóttir,at the IMO.

Um 450 skjálftar í nótt

Skjálftavirknin í nótt og í morgun hefur verið mest á um 5 km kafla norður af jökuljaðri Dyngjujökuls og nyrst í Dyngjujökli. Samkvæmt upplýsingum frá Veðurstofunni hefur virknin þar færst örlítið til norðurs. Það dró úr virkninni um miðnætti en hún jókst svo aftur um klukkan tvö og fram undir klukkan fimm.

Jökulsárgljúfur áfram lokuð

Að minnsta kosti 400 ferðamenn þurftu að yfirgefa Jökulsárgljúfur þegar fréttir bárust af því á laugardaginn að gos væri hafið. Hjörleifur Finnsson þjóðgarðsvörður segir að fólk hafi yfirleitt brugðist mjög vel við.

Ferðamenn eru forvitnir

Flestir ferðamenn sem fara um Sprengisand eru rólegir yfir fréttum af eldgosahættu og fylgja ráðleggingum landvarðar. Aðrir vilja komast sem næst gossvæðinu.

700 skjálftar frá miðnætti

Skjálftavirknin við Bárðarbungu hefur þokast áfram til norðurs og er að mestu á 10 kílómetra löngu bili, með miðju undir jökuljaðrinum.

Rétt ákvörðun að vara við eldgosi

Vísindamenn Veðurstofu Íslands og Jarðvísindastofnunar vita ekki hvað olli óróanum sem var túlkaður sem lítið hraungos undir Dyngjujökli. Ákvörðun um að tilkynna eldgos er sögð sú eina rétta. Nú flæðir 270 milljónir rúmmetra af kviku um berggöngin undir Dyngjujökli.

Er Bárðarbungu ekki um að kenna?

Vísindamenn hallast frekar að því að jarðhræringarnar undir Vatnajökli leiði til eldgoss. Komnar eru fram kenningar um að upptöku óróans sé frekar að leita í eldstöðvakerfi Öskju en Bárðabungu. Kröflueldar virðast vera nærtækasta dæmið um framhaldið.

Mikið magn kviku hefur safnast saman á stuttum tíma

Skjálftavirkni er mikil undir Dyngjujökli og hefur færst í aukana yfir helgina. Norðurendi berggangsins sem hefur myndast undir jöklinum nær nú norður fyrir jökulinn. Versta hugsanlega sviðsmyndin að allur berggangurinn opnist sem sprunga, segir eldfjalla

Mest lesið


Fleiri fréttir

Sjá meira


×

Mest lesið