Innlent

Um 450 skjálftar í nótt

Dyngjujökull í gærkvöldi. Engin merki um eldgos.
Dyngjujökull í gærkvöldi. Engin merki um eldgos. Vísir/Vilhelm
Skjálftavirknin í nótt og í morgun hefur verið mest á um 5 km kafla norður af jökuljaðri Dyngjujökuls og nyrst í Dyngjujökli. Samkvæmt upplýsingum frá Veðurstofunni hefur virknin þar færst örlítið til norðurs. Það dró úr virkninni um miðnætti en hún jókst  svo aftur um klukkan tvö og fram undir klukkan fimm.

Þá segir að skjálftavirknin sé minni en í gær en sé ennþá mjög mikil og  um kl. 06:30 höfðu mælst um 450 jarðskjálftar.Tæplega 10 jarðskjálftar voru yfir 3 að stærð og 3 þeir  stærstu voru um 3,5 stig og áttu þeir allir upptök við innskotsganginn norður af og við Dyngjujökulinn. Þeir skjálftar voru allir á meira en fimm kílómetra dýpi.

Lítil skjálftavirkni hefur verið við Bárðabungueldstöðina í nótt en í gærkvöldi klukkan 20:39 mældist þar skjálfti um 5 að stærð við suðurbarm Bárðarbunguöskjunnar. Sérfræðingar segja þó að engin merki sjáist um gosóróa.


Tengdar fréttir

Ferðamenn vilja komast nær Bárðarbungu

„Það er ótrúlegt hvað fólk er óforskammað. Bara núna síðustu nótt þurftum við að stoppa erlendan ferðamann sem var staðráðinn í að fara veginn, sama hvað.“

The largest earthquake yet

A magnitude 5.3 earthquake has occurred in the Bárðarbunga caldera at 5 km depth at 00:09. It is the strongest event measured since the onset of the seismic crisis at Bárðarbunga.

Aðvörunarstig fyrir flug lækkað

Veðurstofa Íslands hefur ákveðið að lækka aðvörunarstig fyrir flug í appelsínugulan úr rauðu. Athuganir hafa leitt í ljós að ekki var gos undir Dyngjujökli í gær. Sá mikli lágtíðniórói sem Veðurstofan mælid í gær á sér því aðrar skýringar.

Stærsti skjálftinn á svæðinu frá 1996

Skjálftar næturinnar eru þeir stærstu í þessari hrinu og jafnframt stærstu skjálftarnir á svæðinu frá því fyrir Gjálpargosið fyrir átján árum síðan.

Helsta hættan er að týnast í öskuskýi

„Núna skiptir mestu máli að upplýsa ferðamenn og fylgjast vel með ferðum þeirra. Þriðjungur ferðamanna vita ekkert hvað er í gangi.“

Sá stærsti til þessa

Jarðskjálfti að stærð 5,3 stig reið yfir við Bárðarbungu laust eftir miðnætti. Skjálftinn mældist á 5 kílómetra dýpi.

Gosóróinn í Gjálp hófst daginn eftir þann stóra

Jarðskjálftinn í nótt upp á 5,3 stig beinir enn sjónum að Gjálpargosinu í Vatnajökli árið 1996. Þá var það einmitt skjálfti af þeirri stærð sem talinn er hafa hrundið eldgosinu af stað.

Orsakir óróa hljóta að vera aðrar en eldgos

Ítarlegar athuganir úr lofti með flugvél Landhelgisgæslunnar TF-SIF sýna að engin merki eru um að gos eða bráðnun við botn hafi átt sér stað undir Dyngjujökli í gær.

Skjálftavirkni mikil í nótt

Ekkert hefur dregið úr skjálftavirkni í nótt. Tveir skjálftar yfir 5.0 hafa mælst frá því á miðnætti.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.