Ronaldo tryggði Real Ofurbikarinn

Cristiano Ronaldo sýndi allar sínar bestu hliðar í 2-0 sigri á Sevilla í Ofurbikarnum í kvöld. James Rodríguez og Toni Kroos voru í byrjunarliði Real í sínum fyrsta leik í kvöld.

Það verða gríðarlega miklar væntingar gerðar til liðs Real Madrid í vetur og var byrjunarliðið í kvöld gríðarlega sterkt. James og Kroos byrjuðu á miðjunni með Luka Modric fyrir aftan Karim Benzema, Gareth Bale og Ronaldo.

Ronaldo skoraði fyrsta mark leiksins eftir góða sendingu frá Bale og bætti við öðru marki leiksins með föstu skoti um miðbik seinni hálfleiksins.

Hvorugu liði tókst að bæta við marki þrátt fyrir ágætis tilraunir og lauk leiknum því með 2-0 sigri Real.