Bíó og sjónvarp

Myndin um Bobby Fischer heimsfrumsýnd í Toronto

Lilja Katrín Gunnarsdóttir skrifar
vísir/getty
Kvikmyndin Pawn Sacrifice, í leikstjórn Ed Zwick, verður heimsfrumsýnd á 39. alþjóðlegu kvikmyndahátíðinni í Toronto í Kanada. Hátiðin er haldin frá 4. til 14. september á þessu ári.

Pawn Sacrifice skartar leikaranum Tobey Maguire í aðalhlutverki en myndin fjallar um skákmeistarann sáluga Bobby Fischer

Tökulið myndarinnar kom hingað til lands í fyrra til að taka upp atriði í myndinni og fengu framleiðendur meðal annars lánað eitt af taflborðunum sem Boris Spasskí og Bobby Fischer tefldu á í einvígi aldarinnar í Reykjavík árið 1972 til að nota í tökum á myndinni. Taflborðið var flutt alla leið til Kanada vegna gerð myndarinnar. 

„Þeir vildu hafa þetta ekta í tökunum og það var ekkert mál að fá taflborðið lánað. Það var að sjálfsögðu tryggt fyrir formúu ef ske kynni að eitthvað kæmi fyrir svona sögulegan grip. Það er mikið lagt í þessa mynd en aðrir hlutir voru einnig sendir frá Íslandi til Kanada,“ sagði Árni Björn Helgason, yfirmaður erlendrar framleiðslu hjá Sagafilm, sem aðstoðaði tökuliðið, í samtali við Fréttablaðið í desember í fyrra.

Í öðrum hlutverkum í Pawn Sacrifice eru Peter Sarsgaard og Liev Schreiber.






Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.