Fyrrverandi borgarstjóri og teiknari meðal umsækjenda

Innanríkisráðuneytið birti í dag lista þeirra 24 umsækjenda sem sækjast eftir starfi forstjóra Samgöngustofu. Staðan var auglýst þann 6. Júní síðastliðinn og rann umsóknarfrestur út á sunnudaginn síðastliðinn.  Hæfni umsækjanda verður metin af þriggja manna nefnd sem innanríkisráðherra skipar er fram kemur á vef ráðuneytisins.

Meðal umsækjenda eru Stefán Eiríksson lögreglustjóri en Vísir greindi frá umsókn hans fyrr í dag, Þórólfur Árnason fyrrverandi borgarstjóri og Eyþór Björnsson fiskistofustjóri. Umsækjendurnir eru sem fyrr segir 24 talsins og nöfn þeirra má sjá hér að neðan:

• Agnar Kofoed-Hansen, stjórnunarráðgjafi
• Birgir Elíasson, hagverkfræðingur
• Dagný Jónsdóttir, framkvæmdastjóri
• Eggert Norðdahl, teiknari, rithöfundur og flugmaður
• Elín Björg Ragnarsdóttir, lögfræðingur
• Eva Magnúsdóttir, ráðgjafi MBA
• Eyþór Björnsson, Fiskistofustjóri
• Gerður Pálmarsdóttir, gæða- og mannauðsstjóri
• Guðmundur Guðmundsson, gæðastjóri
• Halla Sigurðardóttir, framkvæmdastjóri
• Halldór Zoëga, rekstrarverkfræðingur og stjórnsýslufræðingur
• Haraldur Sigþórsson, doktor Ing.
• Helga Þórisdóttir, lögfræðingur
• Karl Alvarsson, lögfræðingur
• Katla Þorgeirsdóttir, lögfræðingur
• Lilja G. Karlsdóttir, samgönguverkfræðingur
• Lúðvík Þorgeirsson, framkvæmdastjóri
• Ólafur Steinarsson, fráfarandi sveitarstjóri
• Reynir Sigurðsson, framkvæmdastjóri
• Sigurbergur Björnsson, skrifstofustjóri
• Sigurður Ingi Jónsson, framkvæmdastjóri
• Stefán Eiríksson, lögreglustjóri
• Svana Margrét Davíðsdóttir, lögfræðingur
• Þórólfur Árnason, iðnaðar- og rekstrarverkfræðingur