Unglingar skora hver á annan að stökkva í sjóinn

Í Hagaskóla skora unglingar hver á annan að stökkva í sjóinn. Foreldrum unglinga við skólann barst tölvupóstur þess efnis eftir hádegið í dag. Það var skólastjórinn, Sesselja Ingibjörg Jósefsdóttir sem sendi hann. Þar kemur fram að nemendur skólans og annarra skóla sendi slíkar áskoranir sín á milli.

Krakkarnir eru að stökkva í sjóinn í Reykjavíkurhöfn og í smábátahöfninni við Bakkavör. Í póstinum kemur fram að nemendur annarra skóla hafi verið að stökkva í sjóinn í Sjálandshverfi í Garðabæ.

Sjá má sjá myndbönd af unglingum stökkva í sjóinn á vefsíðunni YouTube.

Ingibjörg hvetur foreldra unglinga í Hagaskóla til þess að ræða um áskorunina við unglingana rétt eins og svo margt annað sem gangi á í lífi þeirra.