Villas-Boas: Klikkið hjá Gylfa lykillinn

Andre Villas-Boas þjálfari Tottenham í ensku úrvalsdeildinni í fótbolta segir færið sem Gylfi Þór Sigurðsson klikkaði úr stöðunni 2-1 fyrir Tottenham hafa verið lykil augnablik leiksins sem Liverpool sigraði 3-2.

„Þetta var synd því við lékum vel á köflum," sagið Villas-Boas eftir leikinn.

„Lykil augnablik leiksins er þegar við hefðum getað komist í 3-1 þegar Gylfi Sigurðsson fékk gott færi.

„Svona er fótbolti og við munum vonandi þjappa okkur saman og ná öðrum góðum sprett," sagði portúgalski þjálfari Tottenham að lokum.