Oprah vill ekkert hjónaband

Oprah Winfrey vill ekki ganga upp að altarinu af ótta við að það eyðileggi sambandið hennar.

Hin 59 ára Winfrey hefur verið í sambandi með Stedman Graham í 27 ár og segir að þau gætu ekki verið hamingjusamari. „Það gengur mjög vel núna en þegar þú bætir við „eiginkonu-dæminu“ verður það of mikið,“ sagði Winfrey.

Hún þakkar Graham fyrir aðstoðina sem hann veitti henni er sjónvarpsstöð hennar átti í erfiðleikum. Stöðin tapaði miklu í fyrstu en hefur náð að rétta úr kútnum að undanförnu. „Hann var ótrúlegur,“ sagði hún.