Sara Björk framlengir við Malmö

Knattspyrnukonan Sara Björk Gunnarsdóttir hefur gert nýjan samning við sænska liðið LdB Malmö og verður leikmaðurinn hjá félaginu í tvö og hálft ár til viðbótar.

Þetta tilkynnti leikmaðurinn á Twittersíðu sinni fyrir stundu.

Sara Björk gekk í raðir sænska félagsins árið 2011 frá Breiðablik en hún er í dag fastamaður í íslenska kvennalandsliðinu í fótbolta og staðið sig frábærlega með Malmö.

Leikmaðurinn er 22 ára og leikið fyrir öll landslið Íslands á sínum ferli. Sara hefur gert ellefu mörk fyrir Malmö síðan hún kom til liðsins.