Benedikt sextándi segir af sér

Benedikt sextándi páfi ætlar að segja af sér embætti. Ítalskir fjölmiðlar greina frá þessu í dag. Hann ætlar að hætta þann 28. febrúar næstkomandi.

Benedikt sextándi er fyrsti páfinn, í sex hundruð ár, sem segir af sér embætti. Í bréfi sem hann sendi frá sér segir hann ekki nákvæmlega frá því hvað veldur afsögn hans. Hann segir þó. „Eftir að hafa skoðað ítrekað samvisku mína gagnvart Guði, hef ég sannfærst um að styrkur minn, vegna hás aldurs, sé ekki nógu mikill til þess að sinna verkum Páfans."

Páfinn hefur setið í embætti frá árinu 2005, þegar Jóhannes Páll II lést. Benedikt sextándi, sem heitir réttu nafni Joseph Ratzinger, er 85 ára gamall.

Það má lesa meira um afsögn páfans á fréttavef Sky.