Lögreglan vissi af barnagirnd Watkins

Lögreglan í Suður Wales situr undir ásökunum fyrir að hafa ekki stoppað rokksöngvarann Ian Watkins fyrr. Daily Mail segir frá.

Lögreglan hefur í gegnum árið fengið tilkynningar frá aðdáendum og vinum söngvarans þar sem þau hafa varað við barnagirnd Watkins.

Eins og sagt frá á Vísi í gær hefur söngvarinn játað fjölda kynferðisbrota gegn börnum.

Watkins var ekki handtekinn fyrr en seint á síðasta ári eftir að lögreglunni hafi borist ábending um fíkniefni á heimili hans. Við húsleit fannst gríðarlegt magn af barnaklámi.

Aðdáendur sem kynntust söngvaranum náið hafa lýst því að þeir urðu skelfingu lostnir þegar þeir uppgötvuðu andstyggilegar myndir í tölvunni hans. Fólkið hefur auk þess að tilkynna lögreglu um málið varað við Watkins á netinu.

Vinir söngvarans segjast einnig hafa látið lögreglu vita af því söngvarinn væri haldinn barnagirnd en lögreglan hafi ekkert gert.

Watkins sjálfur útbjó síðu þar sem hann birti barnaklám og síðan hefur verið skoðuð af yfir 40 þúsund manns. Þrátt fyrir þetta virðast yfirvöld ekkert hafa gert í málinu lengi vel.

Á síðu Watkins hafði meðal annars verið skrifað: „Hann hefur sent klámmyndir til nokkurra stúlkna af lítilli fimm ára stúlku sem hann segir að hann hafi nauðgað.“

Meðal þess sem Watkins á að hafa sagt kvenkynsaðdáendum sínum er að hann sé smitaður HIV og vilji smita börn af veirunni.