Hald lagt á 185 plöntur og átta kíló kannabiss

Lögreglan á höfuðborgarsvæðinu hefur í tvígang komið upp um umfangsmikla kannabisræktun á höfuðborgarsvæðinu síðustu daga.

Karlmaður á fertugsaldri hefur játað að hafa staðið að ræktun í íbúðarhúsnæði í austurborg Reykjavíkur þar sem lagt var hald á 160 plöntur og átta kíló af kannabisefnum. Ekki var búið í húsinu.

Þá hefur karl á fimmtugsaldri játað ræktun í iðnaðarhúsnæði í Kópavogi þar sem 125 plöntur voru teknar. Þar segir lögregla miklu hafa verið kostað til við að koma upp ræktuninni.