Saga yfirþjóns slær í gegn Sara McMahon skrifar 19. september 2013 10:00 Forest Whitaker leikur þjóninn Cecil Gaines. Oprah Winfrey fer með hlutverk eiginkonu hans. Bandaríska kvikmyndin Lee Daniels‘ The Butler verður frumsýnd í kvikmyndahúsum annað kvöld. Myndin er lauslega byggð á ævi Eugene Allen, yfirþjóni Hvíta hússins, og er í leikstjórn Lee Daniels, þess sama og leikstýrði hinni vinsælu kvikmynd Precious. Í myndinni er saga yfirþjónsins Cecil Gaines rakin og hefst myndin árið 2009 þegar Gaines rifjar upp ævidaga sína. Hann hefur frásögnina á æskuárum sínum á bómullarekru í Georgíu þar sem hann og fjölskylda hans bjuggu við mikið harðræði. Á unglingsaldri yfirgefur Gaines býlið og hefur nokkru síðar störf á hóteli í höfuðborg Bandaríkjanna, Washington D.C. Árið 1957 hefur hann störf við Hvíta húsið og með dugnaði vinnur hann sig upp í starf yfirþjóns, eða maître d'hôtel. Þann tíma sem Gaines starfar í Hvíta húsinu þjónar hann fjölda forseta og er þögult vitni um marga helstu merkisatburði í sögu Bandaríkjanna.Vinnur aftur með Carey og Kravitz Íslandsvinurinn Forest Whitaker fer með hlutverk Gaines og leikur Oprah Winfrey eiginkonu hans, Gloriu. Með önnur hlutverk fara stórleikarar á borð við Cuba Gooding Jr., Terrence Howard, Alex Pettyfer, Robin Williams, Vanessu Redgrave, Liev Schreiber, Alan Rickman, David Oyelowo, Elijah Kelley og David Banner, auk söngvaranna Lenny Kravitz og Mariuh Carey, en sú síðarnefnda leikur móður Gaines. Kravitz og Carey fóru einnig með hlutverk í Precious frá árinu 2009. Robin Williams leikur Dwight D. Eisenhower í myndinni, en þetta er í annað sinn sem hann bregður sér í hlutverk fyrrverandi forseta. Áður fór hann með hlutverk Teddy Roosevelt í gamanmyndinni Night at the Museum: Battle of the Smithsonian. Samkvæmt upplýsingum sem finna má á imdb.com var titill myndarinnar málamiðlun, en Warner Bros. Pictures framleiddi stuttmyndina The Butler árið 1916 og voru stjórnendur fyrirtækisins ósáttir við að mynd Daniels bæri sama titil. Því var brugðið á það ráð að skeyta nafni leikstjórans framan við titilinn og því kallast myndin Lee Daniels‘ The Butler. Myndin hefur hlotið góðar viðtökur og fær hún 73 prósent í einkunn á vefsíðunni Rottentomatoes. Vefsíðan Metacritic gefur henni 66 prósent í einkunn.Ungur framamaðurLee Louis Daniels fæddist árið 1959 í borginni Philadelphiu. Hann útskrifaðist úr Radnor High School árið 1978 og stundaði um hríð listnám í Missouri. Honum líkaði háskólanámið illa og hóf þess í stað störf hjá hjúkrunarþjónustu í Kaliforníu. Hann áttaði sig fljótlega á því að hann gæti auðveldlega rekið sams konar þjónustu einn síns liðs og stofnaði eigin hjúkrunarþjónustu. Þegar hann náði 21 árs aldri hafði hann um 5.000 hjúkrunarfræðinga á sínum snærum. Hann seldi þá fyrirtækið og stofnaði umboðsskrifstofu fyrir leikara og framleiðslufyrirtækið Lee Daniels Entertainment. Mest lesið Gaman að gefa þeim sviðið sem ekki eru oft þar Lífið Stofnaði íþróttavörumerki tvítug Lífið „Þetta er enginn helvítis félagskvíði, það bara þolir mig enginn“ Áskorun Ljótur skúr í miðbænum nú lítið glæsihús Lífið Fjölgar í fjölskyldu Bjarna Ben Lífið „Þegar ég vakna þá trúi ég því ekki að við séum saman“ Lífið Hjörtun stækkuðu hjá Benna Brynleifs og Evu Lífið Elli og María Birta eru stoltir fósturforeldrar í Las Vegas Lífið Sveitasetur lýtalæknis til sölu: „Eign fyrir fjársterka aðila“ Lífið Hrekkjalómur kroppar slaufuna af ókyngreindum salernum Lífið Fleiri fréttir Þýskur risi í samstarf við ACT4 um gerð Stóra Bróður Balti var í hesthúsinu þegar Jason Statham hringdi Gleði og tilhlökkun fyrir fyrstu Filmu hátíðinni Anora hlaut Gullpálmann í ár Syngja með Grease á fyrstu skynsegin sýningu Íslandssögunnar Balti hélt að Pálmi myndi aldrei mæta Opinbera Hemsworth í hlutverki Geralt Egill mætti með barnabörnin á forsýningu Snertingar Stóðu upp og klöppuðu í fimm mínútur fyrir Ljósbroti Stjörnurnar vilja Spacey úr sjö ára útlegð Fundu föt við hæfi á síðustu stundu fyrir Cannes Fyrsta kitlan úr annarri seríu Rings of Power Sorgin allsráðandi í fyrstu stiklunni úr Ljósbrot Statham og Baltasar sameina krafta sína í væntanlegri hasarmynd Gefi raunsanna mynd af stefnumótahremmingum trans kvenna Potter-stjarna harmar hvernig fór með Rowling Sjá meira
Bandaríska kvikmyndin Lee Daniels‘ The Butler verður frumsýnd í kvikmyndahúsum annað kvöld. Myndin er lauslega byggð á ævi Eugene Allen, yfirþjóni Hvíta hússins, og er í leikstjórn Lee Daniels, þess sama og leikstýrði hinni vinsælu kvikmynd Precious. Í myndinni er saga yfirþjónsins Cecil Gaines rakin og hefst myndin árið 2009 þegar Gaines rifjar upp ævidaga sína. Hann hefur frásögnina á æskuárum sínum á bómullarekru í Georgíu þar sem hann og fjölskylda hans bjuggu við mikið harðræði. Á unglingsaldri yfirgefur Gaines býlið og hefur nokkru síðar störf á hóteli í höfuðborg Bandaríkjanna, Washington D.C. Árið 1957 hefur hann störf við Hvíta húsið og með dugnaði vinnur hann sig upp í starf yfirþjóns, eða maître d'hôtel. Þann tíma sem Gaines starfar í Hvíta húsinu þjónar hann fjölda forseta og er þögult vitni um marga helstu merkisatburði í sögu Bandaríkjanna.Vinnur aftur með Carey og Kravitz Íslandsvinurinn Forest Whitaker fer með hlutverk Gaines og leikur Oprah Winfrey eiginkonu hans, Gloriu. Með önnur hlutverk fara stórleikarar á borð við Cuba Gooding Jr., Terrence Howard, Alex Pettyfer, Robin Williams, Vanessu Redgrave, Liev Schreiber, Alan Rickman, David Oyelowo, Elijah Kelley og David Banner, auk söngvaranna Lenny Kravitz og Mariuh Carey, en sú síðarnefnda leikur móður Gaines. Kravitz og Carey fóru einnig með hlutverk í Precious frá árinu 2009. Robin Williams leikur Dwight D. Eisenhower í myndinni, en þetta er í annað sinn sem hann bregður sér í hlutverk fyrrverandi forseta. Áður fór hann með hlutverk Teddy Roosevelt í gamanmyndinni Night at the Museum: Battle of the Smithsonian. Samkvæmt upplýsingum sem finna má á imdb.com var titill myndarinnar málamiðlun, en Warner Bros. Pictures framleiddi stuttmyndina The Butler árið 1916 og voru stjórnendur fyrirtækisins ósáttir við að mynd Daniels bæri sama titil. Því var brugðið á það ráð að skeyta nafni leikstjórans framan við titilinn og því kallast myndin Lee Daniels‘ The Butler. Myndin hefur hlotið góðar viðtökur og fær hún 73 prósent í einkunn á vefsíðunni Rottentomatoes. Vefsíðan Metacritic gefur henni 66 prósent í einkunn.Ungur framamaðurLee Louis Daniels fæddist árið 1959 í borginni Philadelphiu. Hann útskrifaðist úr Radnor High School árið 1978 og stundaði um hríð listnám í Missouri. Honum líkaði háskólanámið illa og hóf þess í stað störf hjá hjúkrunarþjónustu í Kaliforníu. Hann áttaði sig fljótlega á því að hann gæti auðveldlega rekið sams konar þjónustu einn síns liðs og stofnaði eigin hjúkrunarþjónustu. Þegar hann náði 21 árs aldri hafði hann um 5.000 hjúkrunarfræðinga á sínum snærum. Hann seldi þá fyrirtækið og stofnaði umboðsskrifstofu fyrir leikara og framleiðslufyrirtækið Lee Daniels Entertainment.
Mest lesið Gaman að gefa þeim sviðið sem ekki eru oft þar Lífið Stofnaði íþróttavörumerki tvítug Lífið „Þetta er enginn helvítis félagskvíði, það bara þolir mig enginn“ Áskorun Ljótur skúr í miðbænum nú lítið glæsihús Lífið Fjölgar í fjölskyldu Bjarna Ben Lífið „Þegar ég vakna þá trúi ég því ekki að við séum saman“ Lífið Hjörtun stækkuðu hjá Benna Brynleifs og Evu Lífið Elli og María Birta eru stoltir fósturforeldrar í Las Vegas Lífið Sveitasetur lýtalæknis til sölu: „Eign fyrir fjársterka aðila“ Lífið Hrekkjalómur kroppar slaufuna af ókyngreindum salernum Lífið Fleiri fréttir Þýskur risi í samstarf við ACT4 um gerð Stóra Bróður Balti var í hesthúsinu þegar Jason Statham hringdi Gleði og tilhlökkun fyrir fyrstu Filmu hátíðinni Anora hlaut Gullpálmann í ár Syngja með Grease á fyrstu skynsegin sýningu Íslandssögunnar Balti hélt að Pálmi myndi aldrei mæta Opinbera Hemsworth í hlutverki Geralt Egill mætti með barnabörnin á forsýningu Snertingar Stóðu upp og klöppuðu í fimm mínútur fyrir Ljósbroti Stjörnurnar vilja Spacey úr sjö ára útlegð Fundu föt við hæfi á síðustu stundu fyrir Cannes Fyrsta kitlan úr annarri seríu Rings of Power Sorgin allsráðandi í fyrstu stiklunni úr Ljósbrot Statham og Baltasar sameina krafta sína í væntanlegri hasarmynd Gefi raunsanna mynd af stefnumótahremmingum trans kvenna Potter-stjarna harmar hvernig fór með Rowling Sjá meira