„Ég er með frábæra hugmynd!“ - Hómer talar íslensku

Hómer Simpson talar íslensku í hinum margumtalaða Íslandsþætti Simpson-fjölskyldunnar sem sýndur var á Stöð 2 í kvöld.

„Ég er með frábæra hugmynd,“ segir hann eftir að hafa legið yfir íslenskunni, en stór hluti þáttarins gerist hér á landi.

Í þættinum koma meðal annars fram hinir ýmsu staðir sem Íslendingar þekkja vel, og má þar nefna Hallgrímskirkju, Perluna og Bláa lónið. Þá sést hljómsveitinni Sigur Rós bregða fyrir og Jóhönnu Sigurðardóttur forsætisráðherra.

Myndband af Hómer að spreyta sig á ástkæra ylhýra er í spilaranum hér fyrir ofan.